Plutarch, Ἀλκιβιάδης, chapter 27

(플루타르코스, Ἀλκιβιάδης, chapter 27)

ἐκ τούτου κατελύθησαν μὲν οἱ τετρακόσιοι, τῶν Ἀλκιβιάδου φίλων προθύμωσ συλλαμβανομένων τοῖσ τὰ δήμου φρονοῦσι· βουλομένων δὲ τῶν ἐν ἄστει καὶ κελευόντων κατιέναι τὸν Ἀλκιβιάδην αὐτὸσ ᾤετο δεῖν μὴ κεναῖσ χερσὶ μηδὲ ἀπράκτοισ, οἴκτῳ καὶ χάριτι τῶν πολλῶν, ἀλλ’ ἐνδόξωσ κατελθεῖν. διὸ πρῶτον μὲν ὀλίγαισ ναυσὶν ἐκ Σάμου περιέπλει τὴν Κνιδίων καὶ Κῴων θάλασσαν· ἐκεῖ δ’ ἀκούσασ Μίνδαρον τὸν Σπαρτιάτην εἰσ Ἑλλήσποντον ἀναπλεῖν τῷ στόλῳ παντὶ καὶ τοὺσ Ἀθηναίουσ ἐπακολουθεῖν, ἠπείγετο βοηθῆσαι τοῖσ στρατηγοῖσ.

καὶ κατὰ τύχην εἰσ τοῦτο καιροῦ συνήνυσε πλέων ὀκτωκαίδεκα τριήρεσιν, ἐν ᾧ πάσαισ ὁμοῦ ταῖσ ναυσὶ συμπεσόντεσ εἰσ τὸ αὐτὸ καὶ διαναυμαχοῦντεσ περὶ Ἄβυδον ἀμφότεροι τοῖσ μὲν ἡττώμενοι μέρεσι, τοῖσ δὲ νικῶντεσ ἄχρι δείλησ ἀγῶνι μεγάλῳ συνείχοντο. καὶ παρέσχε μὲν ἐναντίαν δόξαν ἀμφοτέροισ ἐπιφανείσ, ὥστε θαρρεῖν μὲν τοὺσ πολεμίουσ, θορυβεῖσθαι δὲ τοὺσ Ἀθηναίουσ.

ταχὺ δὲ σημεῖον ἄρασ ἀπὸ τῆσ ναυαρχίδοσ φίλιον ὡρ́μησεν εὐθὺσ ἐπὶ τοὺσ κρατοῦντασ καὶ διώκοντασ τῶν Πελοποννησίων. τρεψάμενοσ δ’ αὐτοὺσ ἐξέωσεν εἰσ τὴν γῆν, καὶ προσκείμενοσ ἔκοπτε τὰσ ναῦσ καὶ συνετίτρωσκε, τῶν ἀνδρῶν ἐκνεόντων καὶ Φαρνμβάζου πεζῇ προσβοηθοῦντοσ αὐτοῖσ καὶ μαχομένου παρὰ τὴν θάλατταν ὑπὲρ τῶν νεῶν. τέλοσ δὲ τῶν μὲν πολεμίων τριάκοντα λαβόντεσ, ἀνασώσαντεσ δὲ τὰσ αὑτῶν, τρόπαιον ἔστησαν. οὕτω δὲ λαμπρᾷ χρησάμενοσ εὐτυχίᾳ, καὶ φιλοτιμούμενοσ εὐθὺσ ἐγκαλλωπίσασθαι τῷ Τισαφέρνῃ, ξένια καὶ δῶρα παρασκευασάμενοσ καὶ θεραπείαν ἔχων ἡγεμονικὴν ἐπορεύετο πρὸσ αὐτόν.

οὐ μὴν ἔτυχεν ὧν προσεδόκησεν, ἀλλὰ πάλαι κακῶσ ἀκούων ὁ Τισαφέρνησ ὑπὸ τῶν Λακεδαιμονίων, καὶ φοβούμενοσ αἰτίαν λαβεῖν ἐκ βασιλέωσ, ἔδοξεν ἐν καιρῷ τὸν Ἀλκιβιάδην ἀφῖχθαι, καὶ συλλαβὼν αὐτὸν εἱρ͂ξεν ἐν Ξάρδεσιν ὡσ λύσιν ἐκείνησ τῆσ διαβολῆσ τὴν ἀδικίαν ταύτην ἐσομένην.

일치하는 문장이 없습니다.

SEARCH

MENU NAVIGATION