헬라어 문장 검색 - Πλυταρ́Αλξιβιά07́

(플루타르코스, Ἀλκιβιάδης, chapter 7)

τὴν δὲ παιδικὴν ἡλικίαν παραλλάσσων ἐπέστη γραμματοδιδασκάλῳ καὶ βιβλίον ᾔτησεν Ὁμηρικόν. εἰπόντοσ δὲ τοῦ διδασκάλου μηδὲν ἔχειν Ὁμήρου, κονδύλῳ καθικόμενοσ αὐτοῦ παρῆλθεν. "γράμματα διδάσκεισ, Ὅμηρον ἐπανορθοῦν ἱκανὸσ ὤν; "οὐχὶ τοὺσ νέουσ παιδεύεισ; Περικλεῖ δὲ βουλόμενοσ ἐντυχεῖν ἐπὶ θύρασ ἦλθεν αὐτοῦ.

"βέλτιον οὐκ ἦν σκοπεῖν αὐτὸν ὅπωσ οὐκ ἀποδώσει λόγον Ἀθηναίοισ; ἔτι δὲ μειράκιον ὢν ἐστρατεύσατο τὴν εἰσ Ποτίδαιαν στρατείαν, καὶ Σωκράτη σύσκηνον εἶχε καὶ παραστάτην ἐν τοῖσ ἀγῶσιν. ἰσχυρᾶσ δὲ γενομένησ μάχησ ἠρίστευσαν μὲν ἀμφότεροι, τοῦ δ’ Ἀλκιβιάδου τραύματι περιπεσόντοσ ὁ Σωκράτησ προέστη καὶ ἤμυνε καὶ μάλιστα δὴ προδήλωσ ἔσωσεν αὐτὸν μετὰ τῶν ὅπλων.

ἐγίνετο μὲν οὖν τῷ δικαιοτάτῳ λόγῳ Σωκράτουσ τὸ ἀριστεῖον· ἐπεὶ δ’ οἱ στρατηγοὶ διὰ τὸ ἀξίωμα τῷ Ἀλκιβιάδῃ σπουδάζοντεσ ἐφαίνοντο περιθεῖναι τὴν δόξαν, ὁ Σωκράτησ βουλόμενοσ αὔξεσθαι τὸ φιλότιμον ἐν τοῖσ καλοῖσ αὐτοῦ πρῶτοσ ἐμαρτύρει καὶ παρεκάλει στεφανοῦν ἐκεῖνον καὶ διδόναι τὴν πανοπλίαν. ἔτι δὲ τῆσ ἐπὶ Δηλίῳ μάχησ γενομένησ καὶ φευγόντων Ἀθηναίων, ἔχων ἵππον ὁ Ἀλκιβιάδησ, τοῦ δὲ Σωκράτουσ πεζῇ μετ’ ὀλίγων ἀποχωροῦντοσ, οὐ παρήλασεν ἰδών, ἀλλὰ παρέπεμψε καὶ περιήμυνεν, ἐπικειμένων τῶν πολεμίων καὶ πολλοὺσ ἀναιρούντων.

καὶ ταῦτα μὲν ὕστερον ἐπράχθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Ἀλκιβιάδης, chapter 7

(플루타르코스, Ἀλκιβιάδης, chapter 7)

상위

목록

SEARCH

MENU NAVIGATION