Plutarch, Ἀλκιβιάδης, chapter 39

(플루타르코스, Ἀλκιβιάδης, chapter 39)

ὡσ οὖν ὁ Λύσανδροσ ἔπεμψε πρὸσ τὸν Φαρνάβαζον ταῦτα πράττειν κελεύων, ὁ δὲ Μαγαίῳ τε τῷ ἀδελφῷ καὶ Σουσαμίθρῃ τῷ θείῳ προσέταξε τὸ ἔργον, ἔτυχε μὲν ἐν κώμῃ τινὶ τῆσ Φρυγίασ ὁ Ἀλκιβιάδησ τότε διαιτώμενοσ, ἔχων Τιμάνδραν μεθ’ αὑτοῦ τὴν ἑταίραν, ὄψιν δὲ κατὰ τοὺσ ὕπνουσ εἶδε τοιαύτην· ἐδόκει περικεῖσθαι μὲν αὐτὸσ τὴν ἐσθῆτα τῆσ ἑταίρασ, ἐκείνην δὲ τὴν κεφαλὴν ἐν ταῖσ ἀγκάλαισ ἔχουσαν αὐτοῦ κοσμεῖν τὸ πρόσωπον ὥσπερ γυναικὸσ ὑπογράφουσαν καὶ ψιμυθιοῦσαν.

ἕτεροι δέ φασιν ἰδεῖν τὴν κεφαλὴν ἀποτέμνοντασ αὐτοῦ τοὺσ περὶ τὸν Μαγαῖον ἐν τοῖσ ὕπνοισ καὶ τὸ σῶμα καιόμενον. ἀλλὰ τὴν μὲν ὄψιν οὐ πολὺ γενέσθαι λέγουσι πρὸ τῆσ τελευτῆσ. οἱ δὲ πεμφθέντεσ πρὸσ αὐτὸν οὐκ ἐτόλμησαν εἰσελθεῖν, ἀλλὰ κύκλῳ τὴν οἰκίαν περιστάντεσ ἐνεπίμπρασαν. αἰσθόμενοσ δ’ ὁ Ἀλκιβιάδησ τῶν μὲν ἱματίων τὰ πλεῖστα καὶ τῶν στρωμάτων συναγαγὼν ἐπέρριψε τῷ πυρί, τῇ δ’ ἀριστερᾷ χειρὶ τὴν ἑαυτοῦ χλαμύδα περιελίξασ, τῇ δεξιᾷ σπασάμενοσ τὸ ἐγχειρίδιον ἐξέπεσεν ἀπαθὴσ ὑπὸ τοῦ πυρὸσ πρὶν ἢ διαφλέγεσθαι τὰ ἱμάτια, καὶ τοὺσ βαρβάρουσ ὀφθεὶσ διεσκέδασεν.

οὐδεὶσ γὰρ ὑπέμεινεν αὐτὸν οὐδ’ εἰσ χεῖρασ συνῆλθεν, ἀλλ’ ἀποστάντεσ ἔβαλλον ἀκοντίοισ καὶ τοξεύμασιν. οὕτω δ’ αὐτοῦ πεσόντοσ καὶ τῶν βαρβάρων ἀπελθόντων, ἡ Τιμάνδρα τὸν νεκρὸν ἀνείλετο, καὶ τοῖσ αὑτῆσ περιβαλοῦσα καὶ περικαλύψασα χιτωνίσκοισ, ἐκ τῶν παρόντων ἐκήδευσε λαμπρῶσ καὶ φιλοτίμωσ.

ταύτησ λέγουσι θυγατέρα γενέσθαι Λαί̈δα τὴν Κορινθίαν μὲν προσαγορευθεῖσαν, ἐκ δὲ Ὑκκάρων, Σικελικοῦ πολίσματοσ, αἰχμάλωτον γενομένην. ἔνιοι δὲ τὰ μὲν ἄλλα περὶ τῆσ Ἀλκιβιάδου τελευτῆσ ὁμολογοῦσι τούτοισ, αἰτίαν δέ φασιν οὐ Φαρνάβαζον οὐδὲ Λύσανδρον οὐδὲ Λακεδαιμονίουσ παρασχεῖν, αὐτὸν δὲ τὸν Ἀλκιβιάδην γνωρίμων τινῶν διεφθαρκότα γύναιον ἔχειν σὺν αὑτῷ, τοὺσ δ’ ἀδελφοὺσ τοῦ γυναίου τὴν ὕβριν οὐ μετρίωσ φέροντασ ἐμπρῆσαί τε τὴν οἰκίαν νύκτωρ, ἐν ᾗ διαιτώμενοσ ἐτύγχανεν ὁ Ἀλκιβιάδησ, καὶ καταβαλεῖν αὐτόν, ὥσπερ εἴρηται, διὰ τοῦ πυρὸσ ἐξαλλόμενον.

일치하는 문장이 없습니다.

SEARCH

MENU NAVIGATION