헬라어 문장 검색 - Πλυταρ́Αλξιβιά18́

(플루타르코스, Ἀλκιβιάδης, chapter 18)

ὁ δὲ Νικίασ ἄκων μὲν ᾑρέθη στρατηγόσ, οὐχ ἥκιστα τὴν ἀρχὴν καὶ διὰ τὸν συνάρχοντα φεύγων· ἐφαίνετο γὰρ τοῖσ Ἀθηναίοισ τὰ τοῦ πολέμου βέλτιον ἕξειν μὴ προεμένοισ τὸν Ἀλκιβιάδην ἄκρατον, ἀλλὰ μιχθείσησ πρὸσ τὴν τόλμαν αὐτοῦ τῆσ Νικίου προνοίασ· καὶ γὰρ ὁ τρίτοσ στρατηγὸσ Λάμαχοσ ἡλικίᾳ προήκων ὅμωσ ἐδόκει μηδὲν ἧττον εἶναι τοῦ Ἀλκιβιάδου διάπυροσ καὶ φιλοκίνδυνοσ ἐν τοῖσ ἀγῶσι· βουλευομένων δὲ περὶ πλήθουσ καὶ τρόπου παρασκευῆσ ἐπεχείρησεν αὖθισ ὁ Νικίασ ἐνίστασθαι καὶ καταπαύειν τὸν πόλεμον.

ἀντειπόντοσ δὲ τοῦ Ἀλκιβιάδου καὶ κρατήσαντοσ, ἔγραψε τῶν ῥητόρων Δημόστρατοσ καὶ εἶπεν ὡσ χρὴ τοὺσ στρατηγοὺσ αὐτοκράτορασ εἶναι καὶ τῆσ παρασκευῆσ καὶ τοῦ πολέμου παντόσ. ἐπιψηφισαμένου δὲ τοῦ δήμου καὶ γενομένων ἑτοίμων πάντων πρὸσ τὸν ἔκπλουν, οὐ χρηστὰ παρῆν οὐδὲ τὰ τῆσ ἑορτῆσ. Ἀδωνίων γὰρ εἰσ τὰσ ἡμέρασ ἐκείνασ καθηκόντων εἴδωλα πολλαχοῦ νεκροῖσ ἐκκομιζομένοισ ὅμοια προὔκειντο ταῖσ γυναιξί, καὶ ταφὰσ ἐμιμοῦντο κοπτόμεναι, καὶ θρήνουσ ᾖδον.

ἡ μέντοι τῶν Ἑρμῶν περικοπή, μιᾷ νυκτὶ τῶν πλείστων ἀκρωτηριασθέντων τὰ πρόσωπα, πολλοὺσ καὶ τῶν περιφρονούντων τὰ τοιαῦτα διετάραξεν. ἐλέχθη μὲν οὖν ὅτι Κορίνθιοι διὰ τοὺσ Συρακουσίουσ ἀποίκουσ ὄντασ, ὡσ ἐπισχέσεωσ ἐσομένησ πρὸσ τῶν οἰωνῶν ἢ μεταγνώσεωσ τοῦ πολέμου, ταῦτα δράσειαν. οὐ μὴν ἥπτετό γε τῶν πολλῶν οὔθ’ οὗτοσ ὁ λόγοσ οὔθ’ ὁ τῶν σημεῖον δεινὸν εἶναι μηδὲν οἰομένων, ἀλλ’ οἱᾶ φιλεῖ φέρειν ἄκρατοσ ἀκολάστων νέων εἰσ ὕβριν ἐκ παιδιᾶσ ὑποφερομένων·

ὀργῇ δ’ ἅμα καὶ φόβῳ τὸ γεγονὸσ λαμβάνοντεσ ὡσ ἀπὸ συνωμοσίασ ἐπὶ πράγμασι μεγάλοισ τετολμημένον, ἅπασαν ἐξήταζον ὑπόνοιαν πικρῶσ ἥ τε βουλὴ συνιοῦσα περὶ τούτων καὶ ὁ δῆμοσ ἐν ὀλίγαισ ἡμέραισ πολλάκισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 18

(플루타르코스, Ἀλκιβιάδης, chapter 18)

상위

목록

SEARCH

MENU NAVIGATION