헬라어 문장 검색 - ΗεροδόΤηεΗιστ́6́115́

(헤로도토스, The Histories, book 6, chapter 111)

ὡσ δὲ ἐσ ἐκεῖνον περιῆλθε, ἐνθαῦτα δὴ ἐτάσσοντο ὧδε οἱ Ἀθηναῖοι ὡσ συμβαλέοντεσ· τοῦ μὲν δεξιοῦ κέρεοσ ἡγέετο ὁ πολέμαρχοσ Καλλίμαχοσ· ὁ γὰρ νόμοσ τότε εἶχε οὕτω τοῖσι Ἀθηναίοισι, τὸν πολέμαρχον ἔχειν κέρασ τὸ δεξιόν· ἡγεομένου δὲ τούτου ἐξεδέκοντο ὡσ ἀριθμέοντο αἱ φυλαὶ ἐχόμεναι ἀλληλέων, τελευταῖοι δὲ ἐτάσσοντο ἔχοντεσ τὸ εὐώνυμον κέρασ Πλαταιέεσ. ἀπὸ ταύτησ γάρ σφι τῆσ μάχησ, Ἀθηναίων θυσίασ ἀναγόντων ἐσ τὰσ πανηγύριασ τὰσ ἐν τῇσι πεντετηρίσι γινομένασ, κατεύχεται ὁ κῆρυξ ὁ Ἀθηναῖοσ ἅμα τε Ἀθηναίοισι λέγων γίνεσθαι τὰ ἀγαθὰ καὶ Πλαταιεῦσι.

τότε δὲ τασσομένων τῶν Ἀθηναίων ἐν τῷ Μαραθῶνι ἐγίνετο τοιόνδε τι·

τὸ στρατόπεδον ἐξισούμενον τῷ Μηδικῷ στρατοπέδῳ, τὸ μὲν αὐτοῦ μέσον ἐγίνετο ἐπὶ τάξιασ ὀλίγασ, καὶ ταύτῃ ἦν ἀσθενέστατον τὸ στρατόπεδον, τὸ δὲ κέρασ ἑκάτερον ἔρρωτο πλήθεϊ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 6, chapter 111

(헤로도토스, The Histories, book 6, chapter 111)

상위

목록

SEARCH

MENU NAVIGATION