헬라어 문장 검색 - Διοδορ́Λιβραρψ́5́22́

(디오도로스 시켈로스, Library, book xii, chapter 33)

ἐπ’ ἄρχοντοσ δ’ Ἀθήνησι Λυσιμάχου Ῥωμαῖοι μὲν ὑπάτουσ κατέστησαν Τίτον Κοί̈ντιον καὶ Μάρκον Γεγάνιον Μακερῖνον, Ἠλεῖοι δ’ ἤγαγον Ὀλυμπιάδα ἕκτην πρὸσ ταῖσ ὀγδοήκοντα, καθ’ ἣν ἐνίκα στάδιον Θεόπομποσ Θετταλόσ. ἐπὶ δὲ τούτων Κερκυραῖοι μὲν πυνθανόμενοι τῶν παρασκευαζομένων ἐπ’ αὐτοὺσ δυνάμεων τὸ πλῆθοσ, ἀπέστειλαν πρὸσ Ἀθηναίουσ πρέσβεισ ἀξιοῦντεσ αὐτοῖσ βοηθῆσαι. τὸ δ’ αὐτὸ καὶ Κορινθίων ποιησάντων, καὶ συναχθείσησ ἐκκλησίασ, διήκουσε τῶν πρέσβεων ὁ δῆμοσ, καὶ ἐψηφίσατο συμμαχεῖν Κερκυραίοισ.

διὸ καὶ παραχρῆμα μὲν ἐξέπεμψαν τριήρεισ κατηρτισμένασ δέκα, μετὰ δὲ ταῦτα πλείουσ ἐπηγγείλαντο πέμψειν, ἐὰν ᾖ χρεία. οἱ δὲ Κορίνθιοι τῆσ τῶν Ἀθηναίων συμμαχίασ ἀποτυχόντεσ, ἐνενήκοντα μὲν αὐτοὶ τριήρεισ ἐπλήρωσαν, παρὰ δὲ τῶν συμμάχων ἑξήκοντα προσελάβοντο.

ἔχοντεσ οὖν ναῦσ κατηρτισμένασ ἑκατὸν πεντήκοντα, καὶ στρατηγοὺσ ἑλόμενοι τοὺσ χαριεστάτουσ, ἀνήχθησαν ἐπὶ τὴν Κέρκυραν, κεκρικότεσ διὰ τάχουσ ναυμαχῆσαι. οἱ δὲ Κερκυραῖοι πυνθανόμενοι τὸν τῶν πολεμίων στόλον μὴ μακρὰν ἀπέχειν, ἀντανήχθησαν τριήρεσιν ἑκατὸν εἴκοσι σὺν ταῖσ τῶν Ἀθηναίων.

γενομένησ δὲ ναυμαχίασ ἰσχυρᾶσ, τὸ μὲν πρῶτον ἐπεκράτουν οἱ Κορίνθιοι, μετὰ δὲ ταῦτα τῶν Ἀθηναίων ἐπιφανέντων ἄλλαισ εἴκοσι ναυσίν, ἃσ ἀπεστάλκεσαν ἐν τῇ δευτέρᾳ συμμαχίᾳ, συνέβη νικῆσαι τοὺσ Κερκυραίουσ. τῇ δ’ ὑστεραίᾳ πάντων τῶν Κερκυραίων ἐπιπλευσάντων οὐκ ἀνήχθησαν οἱ Κορίνθιοι. ἐπ’ ἄρχοντοσ δ’ Ἀθήνησιν Ἀντιοχίδου Ῥωμαῖοι κατέστησαν ὑπάτουσ Μάρκον Φάβιον καὶ Πόστουμον Αἰβούτιον Οὔλεκον.

ἐπὶ δὲ τούτων, Ἀθηναίων μὲν συνηγωνισμένων τοῖσ Κερκυραίοισ καὶ τῆσ κατὰ τὴν ναυμαχίαν νίκησ αἰτίων γενομένων, χαλεπῶσ εἶχον πρὸσ αὐτοὺσ οἱ Κορίνθιοι. διόπερ ἀμύνεσθαι σπεύδοντεσ τοὺσ Ἀθηναίουσ, ἀπέστησαν ἀπ’ αὐτῶν πόλιν Ποτίδαιαν, οὖσαν ἑαυτῶν ἄποικον.

ὁμοίωσ δὲ τούτοισ καὶ Περδίκκασ ὁ τῶν Μακεδόνων βασιλεύσ, ἀλλοτρίωσ διακείμενοσ πρὸσ Ἀθηναίουσ, ἔπεισε τοὺσ Χαλκιδεῖσ ἀποστάντασ Ἀθηναίων τὰσ μὲν ἐπὶ θαλάττῃ πόλεισ ἐκλιπεῖν, εἰσ μίαν δὲ συνοικισθῆναι τὴν ὀνομαζομένην Ὄλυνθον. οἱ δ’ Ἀθηναῖοι τὴν ἀπόστασιν τῶν Ποτιδαιατῶν ἀκούσαντεσ ἐξέπεμψαν τριάκοντα ναῦσ καὶ προσέταξαν τήν τε χώραν τῶν ἀφεστηκότων λεηλατῆσαι καὶ τὴν πόλιν πορθῆσαι.

οἱ δὲ πεμφθέντεσ καταπλεύσαντεσ εἰσ τὴν Μακεδονίαν κατὰ τὰσ ἐντολὰσ τοῦ δήμου, συνεστήσαντο πολιορκίαν τῆσ Ποτιδαίασ. ἔνθα δὴ τῶν Κορινθίων βοηθησάντων τοῖσ πολιορκουμένοισ δισχιλίοισ στρατιώταισ, δισχιλίουσ καὶ ὁ δῆμοσ τῶν Ἀθηναίων ἐξέπεμψε.

γενομένησ δὲ μάχησ περὶ τὸν ἰσθμὸν τὸν πλησίον τῆσ Παλληνίων, καὶ τῶν Ἀθηναίων νικησάντων καὶ πλείουσ τῶν τριακοσίων ἀνελόντων, οἱ Ποτιδαιᾶται συνεκλείσθησαν εἰσ πολιορκίαν. ἅμα δὲ τούτοισ πραττομένοισ ἔκτισαν οἱ Ἀθηναῖοι πόλιν ἐν τῇ Προποντίδι τὴν ὀνομαζομένην Ἀστακόν.

κατὰ δὲ τὴν Ἰταλίαν Ῥωμαῖοι πέμψαντεσ ἀποίκουσ εἰσ Ἄρδεα τὴν χώραν κατεκληρούχησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 33

(디오도로스 시켈로스, Library, book xii, chapter 33)

상위

목록

SEARCH

MENU NAVIGATION