헬라어 문장 검색 - ΑριστόΑτηενιά1́61́

(아리스토텔레스, 아테네인들의 정치체제, work Ath. Pol., chapter 60)

τὰ μὲν οὖν περὶ τοὺσ θ ἄρχοντασ τοῦτον ἔχει τὸν τρόπον. κληροῦσι δὲ καὶ ἀθλοθέτασ δέκα ἄνδρασ, ἕνα τῆσ φυλῆσ ἑκάστησ. οὗτοι δὲ δοκιμασθέντεσ ἄρχουσι τέτταρα ἔτη, καὶ διοικοῦσι τήν τε πομπὴν τῶν Παναθηναίων καὶ τὸν ἀγῶνα τῆσ μουσικῆσ καὶ τὸν γυμνικὸν ἀγῶνα καὶ τὴν ἱπποδρομίαν, καὶ τὸν πέπλον ποιοῦνται, καὶ τοὺσ ἀμφορεῖσ ποιοῦνται μετὰ τῆσ βουλῆσ, καὶ τὸ ἔλαιον τοῖσ ἀθληταῖσ ἀποδιδόασι. συλλέγεται δὲ τὸ ἔλαιον ἀπὸ τῶν μοριῶν·

εἰσπράττει δὲ τοὺσ τὰ χωρία κεκτημένουσ ἐν οἷσ αἱ μορίαι εἰσὶν ὁ ἄρχων, τρί’ ἡμικοτύλια ἀπὸ τοῦ στελέχουσ ἑκάστου. πρότερον δ’ ἐπώλει τὸν καρπὸν ἡ πόλισ· καὶ εἴ τισ ἐξορύξειεν ἐλαίαν μορίαν ἢ κατάξειεν, ἔκρινεν ἡ ἐξ Ἀρείου πάγου βουλή, καὶ εἴ του καταγνοίη, θανάτῳ τοῦτον ἐζημίουν. ἐξ οὗ δὲ τὸ ἔλαιον ὁ τὸ χωρίον κεκτημένοσ ἀποτίνει, ὁ μὲν νόμοσ ἔστιν, ἡ δὲ κρίσισ καταλέλυται. τὸ δὲ ἔλαιον ἐκ τοῦ κτήματοσ, οὐκ ἀπὸ τῶν στελεχῶν ἐστι τῇ πόλει. συλλέξασ οὖν ὁ ἄρχων τὸ ἐφ’ ἑαυτοῦ γιγνόμενον, τοῖσ ταμίαισ παραδίδωσιν εἰσ ἀκρόπολιν, καὶ οὐκ ἔστιν ἀναβῆναι πρότερον εἰσ Ἄρειον πάγον, πρὶν ἂν ἅπαν παραδῷ τοῖσ ταμίαισ.

οἱ δὲ ταμίαι τὸν μὲν ἄλλον χρόνον τηροῦσιν ἐν ἀκροπόλει, τοῖσ δὲ Παναθηναίοισ ἀπομετροῦσι τοῖσ ἀθλοθέταισ, οἱ δ’ ἀθλοθέται τοῖσ νικῶσι τῶν ἀγωνιστῶν. ἔστι γὰρ ἆθλα τοῖσ μὲν τὴν μουσικὴν νικῶσιν ἀργύριον καὶ χρυσᾶ, τοῖσ δὲ τὴν εὐανδρίαν ἀσπίδεσ, τοῖσ δὲ τὸν γυμνικὸν ἀγῶνα καὶ τὴν ἱπποδρομίαν ἔλαιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 60

(아리스토텔레스, 아테네인들의 정치체제, work Ath. Pol., chapter 60)

상위

목록

SEARCH

MENU NAVIGATION