Aristotle, Athenian Constitution, work Ath. Pol., chapter 69

(아리스토텔레스, 아테네인들의 정치체제, work Ath. Pol., chapter 69)

πάντεσ δ’ ἐπειδὰν ὦσι διεψηφισμένοι, λαβόντεσ οἱ ὑπηρέται τὸν ἀμφορέα τὸν κύριον, ἐξερῶσι ἐπὶ ἄβακα τρυπήματα ἔχοντα ὅσαιπερ εἰσὶν αἱ ψῆφοι, ἵν’ αὗται φανεραὶ προκείμεναι καὶ εὐαρίθμητοι ὦσιν, καὶ τὰ τρυπητὰ καὶ τὰ πλήρη δῆλα τοῖσ ἀντιδίκοισ. οἱ δὲ ἐπὶ τὰσ ψήφουσ εἰληχότεσ διαριθμοῦσιν αὐτὰσ ἐπὶ τοῦ ἄβακοσ, χωρὶσ μὲν τὰσ πλήρεισ, χωρὶσ δὲ τὰσ τετρυπημένασ. καὶ ἀναγορεύει ὁ κήρυξ τὸν ἀριθμὸν τῶν ψήφων, τοῦ μὲν διώκοντοσ τὰσ τετρυπημένασ, τοῦ δὲ φεύγοντοσ τὰσ πλήρεισ· ὁποτέρῳ δ’ ἂν πλείων γένηται, οὗτοσ νικᾷ, ἂν δὲ ἴσαι, ὁ φεύγων. ἔπειτα πάλιν τιμῶσι, ἂν δέῃ τιμῆσαι, τὸν αὐτὸν τρόπον ψηφιζόμενοι, τὸ μὲν σύμβολον ἀποδιδόντεσ, βακτηρίαν δὲ πάλιν παραλαμβάνοντεσ.

ἡ δὲ τίμησίσ ἐστιν πρὸσ ἡμίχουν ὕδατοσ ἑκατέρῳ. ἐπειδὰν δὲ αὐτοῖσ ᾖ δεδικασμένα τὰ ἐκ τῶν νόμων, ἀπολαμβάνουσιν τὸν μισθὸν ἐν τῷ μέρει οὗ ἔλαχον ἕκαστοι.

일치하는 문장이 없습니다.

SEARCH

MENU NAVIGATION