Aristotle, Athenian Constitution, work Ath. Pol., chapter 21

(아리스토텔레스, 아테네인들의 정치체제, work Ath. Pol., chapter 21)

διὰ μὲν οὖν ταύτασ τὰσ αἰτίασ ἐπίστευεν ὁ δῆμοσ τῷ Κλεισθένει. τότε δὲ τοῦ πλήθουσ προεστηκώσ, ἔτει τετάρτῳ μετὰ τὴν τῶν τυράννων κατάλυσιν, ἐπὶ Ἰσαγόρου ἄρχοντοσ, πρῶτον μὲν συνένειμε πάντασ εἰσ δέκα φυλὰσ ἀντὶ τῶν τεττάρων, ἀναμεῖξαι βουλόμενοσ, ὅπωσ μετάσχωσι πλείουσ τῆσ πολιτείασ· ὅθεν ἐλέχθη καὶ τὸ μὴ φυλοκρινεῖν, πρὸσ τοὺσ ἐξετάζειν τὰ γένη βουλομένουσ.

ἔπειτα τὴν βουλὴν πεντακοσίουσ ἀντὶ τετρακοσίων κατέστησεν, πεντήκοντα ἐξ ἑκάστησ φυλῆσ.

τότε δ’ ἦσαν ἑκατόν. διὰ τοῦτο δὲ οὐκ εἰσ δώδεκα φυλὰσ συνέταξεν, ὅπωσ αὐτῷ μὴ συμβαίνῃ μερίζειν πρὸσ τὰσ προϋπαρχούσασ τριττῦσ. ἦσαν γὰρ ἐκ δ φυλῶν δώδεκα τριττύεσ, ὥστ’ οὐ συνέπιπτεν ἂν ἀναμίσγεσθαι τὸ πλῆθοσ. διένειμε δὲ καὶ τὴν χώραν κατὰ δήμουσ τριάκοντα μέρη, δέκα μὲν τῶν περὶ τὸ ἄστυ, δέκα δὲ τῆσ παραλίασ, δέκα δὲ τῆσ μεσογείου, καὶ ταύτασ ἐπονομάσασ τριττῦσ, ἐκλήρωσεν τρεῖσ εἰσ τὴν φυλὴν ἑκάστην, ὅπωσ ἑκάστη μετέχῃ πάντων τῶν τόπων.

καὶ δημότασ ἐποίησεν ἀλλήλων τοὺσ οἰκοῦντασ ἐν ἑκάστῳ τῶν δήμων, ἵνα μὴ πατρόθεν προσαγορεύοντεσ ἐξελέγχωσιν τοὺσ νεοπολίτασ, ἀλλὰ τῶν δήμων ἀναγορεύωσιν. ὅθεν καὶ καλοῦσιν Ἀθηναῖοι σφᾶσ αὐτοὺσ τῶν δήμων. κατέστησε δὲ καὶ δημάρχουσ, τὴν αὐτὴν ἔχοντασ ἐπιμέλειαν τοῖσ πρότερον ναυκράροισ.

καὶ γὰρ τοὺσ δήμουσ ἀντὶ τῶν ναυκραριῶν ἐποίησεν. προσηγόρευσε δὲ τῶν δήμων τοὺσ μὲν ἀπὸ τῶν τόπων, τοὺσ δὲ ἀπὸ τῶν κτισάντων· οὐ γὰρ ἅπαντεσ ὑπῆρχον ἐν τοῖσ τόποισ. τὰ δὲ γένη καὶ τὰσ φρατρίασ καὶ τὰσ ἱερωσύνασ εἰάσεν ἔχειν ἑκάστουσ κατὰ τὰ πάτρια.

ταῖσ δὲ φυλαῖσ ἐποίησεν ἐπωνύμουσ ἐκ τῶν προκριθέντων ἑκατὸν ἀρχηγετῶν, οὓσ ἀνεῖλεν ἡ Πυθία δέκα.

일치하는 문장이 없습니다.

SEARCH

MENU NAVIGATION