헬라어 문장 검색 - ΑριστόΑτηενιά1́22́

(아리스토텔레스, 아테네인들의 정치체제, work Ath. Pol., chapter 21)

διὰ μὲν οὖν ταύτασ τὰσ αἰτίασ ἐπίστευεν ὁ δῆμοσ τῷ Κλεισθένει. τότε δὲ τοῦ πλήθουσ προεστηκώσ, ἔτει τετάρτῳ μετὰ τὴν τῶν τυράννων κατάλυσιν, ἐπὶ Ἰσαγόρου ἄρχοντοσ, πρῶτον μὲν συνένειμε πάντασ εἰσ δέκα φυλὰσ ἀντὶ τῶν τεττάρων, ἀναμεῖξαι βουλόμενοσ, ὅπωσ μετάσχωσι πλείουσ τῆσ πολιτείασ· ὅθεν ἐλέχθη καὶ τὸ μὴ φυλοκρινεῖν, πρὸσ τοὺσ ἐξετάζειν τὰ γένη βουλομένουσ.

ἔπειτα τὴν βουλὴν πεντακοσίουσ ἀντὶ τετρακοσίων κατέστησεν, πεντήκοντα ἐξ ἑκάστησ φυλῆσ.

τότε δ’ ἦσαν ἑκατόν. διὰ τοῦτο δὲ οὐκ εἰσ δώδεκα φυλὰσ συνέταξεν, ὅπωσ αὐτῷ μὴ συμβαίνῃ μερίζειν πρὸσ τὰσ προϋπαρχούσασ τριττῦσ. ἦσαν γὰρ ἐκ δ φυλῶν δώδεκα τριττύεσ, ὥστ’ οὐ συνέπιπτεν ἂν ἀναμίσγεσθαι τὸ πλῆθοσ. διένειμε δὲ καὶ τὴν χώραν κατὰ δήμουσ τριάκοντα μέρη, δέκα μὲν τῶν περὶ τὸ ἄστυ, δέκα δὲ τῆσ παραλίασ, δέκα δὲ τῆσ μεσογείου, καὶ ταύτασ ἐπονομάσασ τριττῦσ, ἐκλήρωσεν τρεῖσ εἰσ τὴν φυλὴν ἑκάστην, ὅπωσ ἑκάστη μετέχῃ πάντων τῶν τόπων.

καὶ δημότασ ἐποίησεν ἀλλήλων τοὺσ οἰκοῦντασ ἐν ἑκάστῳ τῶν δήμων, ἵνα μὴ πατρόθεν προσαγορεύοντεσ ἐξελέγχωσιν τοὺσ νεοπολίτασ, ἀλλὰ τῶν δήμων ἀναγορεύωσιν. ὅθεν καὶ καλοῦσιν Ἀθηναῖοι σφᾶσ αὐτοὺσ τῶν δήμων. κατέστησε δὲ καὶ δημάρχουσ, τὴν αὐτὴν ἔχοντασ ἐπιμέλειαν τοῖσ πρότερον ναυκράροισ.

καὶ γὰρ τοὺσ δήμουσ ἀντὶ τῶν ναυκραριῶν ἐποίησεν. προσηγόρευσε δὲ τῶν δήμων τοὺσ μὲν ἀπὸ τῶν τόπων, τοὺσ δὲ ἀπὸ τῶν κτισάντων· οὐ γὰρ ἅπαντεσ ὑπῆρχον ἐν τοῖσ τόποισ. τὰ δὲ γένη καὶ τὰσ φρατρίασ καὶ τὰσ ἱερωσύνασ εἰάσεν ἔχειν ἑκάστουσ κατὰ τὰ πάτρια.

ταῖσ δὲ φυλαῖσ ἐποίησεν ἐπωνύμουσ ἐκ τῶν προκριθέντων ἑκατὸν ἀρχηγετῶν, οὓσ ἀνεῖλεν ἡ Πυθία δέκα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristotle, Athenian Constitution, work Ath. Pol., chapter 21

(아리스토텔레스, 아테네인들의 정치체제, work Ath. Pol., chapter 21)

상위

목록

SEARCH

MENU NAVIGATION