헬라어 문장 검색 - ΑριστόΑτηενιά1́20́

(아리스토텔레스, 아테네인들의 정치체제, work Ath. Pol., chapter 19)

μετὰ δὲ ταῦτα συνέβαινεν πολλῷ τραχυτέραν εἶναι τὴν τυραννίδα· καὶ γὰρ διὰ τὸ τιμωρεῖν τἀδελφῷ [καὶ διὰ τὸ] πολλοὺσ ἀνῃρηκέναι καὶ ἐκβεβληκέναι, πᾶσιν ἦν ἄπιστοσ καὶ πικρόσ. ἔτει δὲ τετάρτῳ μάλιστα μετὰ τὸν Ἱππάρχου θάνατον, ἐπεὶ κακῶσ εἶχεν τὰ ἐν τῷ ἄστει, τὴν Μουνιχίαν ἐπεχείρησε τειχίζειν, ὡσ ἐκεῖ μεθιδρυσόμενοσ.

ἐν τούτοισ δ’ ὢν ἐξέπεσεν ὑπὸ Κλεομένουσ τοῦ Λακεδαιμονίων βασιλέωσ, χρησμῶν γιγνομένων ἀεὶ τοῖσ Λάκωσι καταλύειν τὴν τυραννίδα διὰ τοιάνδ’ αἰτίαν. οἱ φυγάδεσ ὧν οἱ Ἀλκμεωνίδαι προειστήκεσαν, αὐτοὶ μὲν δι’ αὑτῶν οὐκ ἐδύναντο ποιήσασθαι τὴν κάθοδον, ἀλλ’ αἰεὶ προσέπταιον.

ἔν τε γὰρ τοῖσ ἄλλοισ οἷσ ἔπραττον διεσφάλλοντο, καὶ τειχίσαντεσ ἐν τῇ χώρᾳ Λειψύδριον τὸ ὑπὲρ Πάρνηθοσ, εἰσ ὃ συνεξῆλθόν τινεσ τῶν ἐκ τοῦ ἄστεωσ, ἐξεπολιορκήθησαν ὑπὸ τῶν τυράννων, ὅθεν ὕστερον μετὰ ταύτην τὴν συμφορὰν ᾖδον ἐν τοῖσ σκολιοῖσ αἰεί· αἰαῖ Λειψύδριον προδωσέταιρον,οἱούσ ἄνδρασ ἀπώλεσασ, μάχεσθαιἀγαθούσ τε καὶ εὐπατρίδασ,οἳ τότ’ ἔδειξαν οἱών πατέρων ἔσαν. ἀποτυγχάνοντεσ οὖν ἐν ἅπασι τοῖσ ἄλλοισ, ἐμισθώσαντο τὸν ἐν Δελφοῖσ νεὼν οἰκοδομεῖν, ὅθεν εὐπόρησαν χρημάτων πρὸσ τὴν τῶν Λακώνων βοήθειαν.

ἡ δὲ Πυθία προέφερεν αἰεὶ τοῖσ Λακεδαιμονίοισ χρηστηριαζομένοισ ἐλευθεροῦν τὰσ Ἀθήνασ, εἰσ τοῦθ’ ἑώσ προύτρεψε τοὺσ Σπαρτιάτασ, καίπερ ὄντων ξένων αὐτοῖσ τῶν Πεισιστρατιδῶν· συνεβάλλετο δὲ οὐκ ἐλάττω μοῖραν τῆσ ὁρμῆσ τοῖσ Λάκωσιν ἡ πρὸσ τοὺσ Ἀργείουσ τοῖσ Πεισιστρατίδαισ ὑπάρχουσα φιλία. τὸ μὲν οὖν πρῶτον Ἀγχίμολον ἀπέστειλαν κατὰ θάλατταν ἔχοντα στρατιάν·

ἡττηθέντοσ δ’ αὐτοῦ καὶ τελευτήσαντοσ, διὰ τὸ Κινέαν βοηθῆσαι τὸν Θετταλὸν ἔχοντα χιλίουσ ἱππεῖσ, προσοργισθέντεσ τῷ γενομένῳ, Κλεομένην ἐξέπεμψαν τὸν βασιλέα στόλον ἔχοντα μείζω κατὰ γῆν, ὃσ ἐπεὶ τοὺσ τῶν Θετταλῶν ἱππεῖσ ἐνίκησεν, κωλύοντασ αὐτὸν εἰσ τὴν Ἀττικὴν παριέναι, κατακλείσασ τὸν Ἱππίαν εἰσ τὸ καλούμενον Πελαργικὸν τεῖχοσ, ἐπολιόρκει μετὰ τῶν Ἀθηναίων. προσκαθημένου δ’ αὐτοῦ, συνέπεσεν ὑπεξιόντασ ἁλῶναι τοὺσ τῶν Πεισιστρατιδῶν υἱεῖσ.

ὧν ληφθέντων ὁμολογίαν ἐπὶ τῇ τῶν παίδων σωτηρίᾳ ποιησάμενοι, καὶ τὰ ἑαυτῶν ἐν πένθ’ ἡμέραισ ἐκκομισάμενοι, παρέδωκαν τὴν ἀκρόπολιν τοῖσ Ἀθηναίοισ ἐπὶ Ἁρπακτίδου ἄρχοντοσ, κατασχόντεσ τὴν τυραννίδα μετὰ τὴν τοῦ πατρὸσ τελευτὴν ἔτη μάλιστα ἑπτακαίδεκα, τὰ δὲ σύμπαντα σὺν οἷσ ὁ πατὴρ ἦρξεν ἑνὸσ δεῖ πεντήκοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 19

(아리스토텔레스, 아테네인들의 정치체제, work Ath. Pol., chapter 19)

상위

목록

SEARCH

MENU NAVIGATION