Aristotle, Athenian Constitution, work Ath. Pol., chapter 46

(아리스토텔레스, 아테네인들의 정치체제, work Ath. Pol., chapter 46)

ἐπιμελεῖται δὲ καὶ τῶν πεποιημένων τριήρων καὶ τῶν σκευῶν καὶ τῶν νεωσοίκων, καὶ ποιεῖται καινὰσ δὲ τριήρεισ ἢ τετρήρεισ, ὁποτέρασ ἂν ὁ δῆμοσ χειροτονήσῃ, καὶ σκεύη ταύταισ καὶ νεωσοίκουσ· χειροτονεῖ δ’ ἀρχιτέκτονασ ὁ δῆμοσ ἐπὶ τὰσ ναῦσ. ἂν δὲ μὴ παραδῶσιν ἐξειργασμένα ταῦτα τῇ νέᾳ βουλῇ, τὴν δωρεὰν οὐκ ἔστιν αὐτοῖσ λαβεῖν· ἐπὶ γὰρ τῆσ ὕστερον βουλῆσ λαμβάνουσιν. ποιεῖται δὲ τὰσ τριήρεισ, δέκα ἄνδρασ ἐξ αὑτῆσ ἑλομένη τριηροποιούσ. ἐξετάζει δὲ καὶ τὰ οἰκοδομήματα τὰ δημόσια πάντα, κἄν τισ ἀδικεῖν αὐτῇ δόξῃ, τῷ τε δήμῳ τοῦτον ἀποφαίνει, καὶ καταγνοῦσα παραδίδωσι δικαστηρίῳ.

일치하는 문장이 없습니다.

SEARCH

MENU NAVIGATION