헬라어 문장 검색 - ΑριστόΑτηενιά1́46́

(아리스토텔레스, 아테네인들의 정치체제, work Ath. Pol., chapter 45)

ἡ δὲ βουλὴ πρότερον μὲν ἦν κυρία καὶ χρήμασιν ζημιῶσαι καὶ δῆσαι καὶ ἀποκτεῖναι. καὶ Λυσίμαχον αὐτῆσ ἀγαγούσησ ὡσ τὸν δήμιον, καθήμενον ἤδη μέλλοντα ἀποθνῄσκειν, Εὐμηλίδησ ὁ Ἀλωπεκῆθεν ἀφείλετο, οὐ φάσκων δεῖν ἄνευ δικαστηρίου γνώσεωσ οὐδένα τῶν πολιτῶν ἀποθνῄσκειν· καὶ κρίσεωσ ἐν δικαστηρίῳ γενομένησ, ὁ μὲν Λυσίμαχοσ ἀπέφυγεν, καὶ ἐπωνυμίαν ἔσχεν ὁ ἀπὸ τοῦ τυπάνου, ὁ δὲ δῆμοσ ἀφείλετο τῆσ βουλῆσ τὸ θανατοῦν καὶ δεῖν καὶ χρήμασι ζημιοῦν, καὶ νόμον ἔθετο, ἄν τινοσ ἀδικεῖν ἡ βουλὴ καταγνῷ ἢ ζημιώσῃ, τὰσ καταγνώσεισ καὶ τὰσ ἐπιζημιώσεισ εἰσάγειν τοὺσ θεσμοθέτασ εἰσ τὸ δικαστήριον, καὶ ὅ τι ἂν οἱ δικασταὶ ψηφίσωνται, τοῦτο κύριον εἶναι. κρίνει δὲ τὰσ ἀρχὰσ ἡ βουλὴ τὰσ πλείστασ, καὶ μάλισθ’ ὅσαι χρήματα διαχειρίζουσιν·

οὐ κυρία δ’ ἡ κρίσισ, ἀλλ’ ἐφέσιμοσ εἰσ τὸ δικαστήριον. ἔξεστι δὲ καὶ τοῖσ ἰδιώταισ εἰσαγγέλλειν ἣν ἂν βούλωνται τῶν ἀρχῶν μὴ χρῆσθαι τοῖσ νόμοισ· ἔφεσισ δὲ καὶ τούτοισ ἐστὶν εἰσ τὸ δικαστήριον, ἐὰν αὐτῶν ἡ βουλὴ καταγνῷ. δοκιμάζει δὲ καὶ τοὺσ βουλευτὰσ τοὺσ τὸν ὕστερον ἐνιαυτὸν βουλεύσοντασ καὶ τοὺσ ἐννέα ἄρχοντασ.

καὶ πρότερον μὲν ἦν ἀποδοκιμάσαι κυρία, νῦν δὲ τούτοισ ἔφεσίσ ἐστιν εἰσ τὸ δικαστήριον. τούτων μὲν οὖν ἄκυρόσ ἐστιν ἡ βουλή·

προβουλεύει δ’ εἰσ τὸν δῆμον, καὶ οὐκ ἔξεστιν οὐδὲν ἀπροβούλευτον οὐδ’ ὅ τι ἂν μὴ προγράψωσιν οἱ πρυτάνεισ ψηφίσασθαι τῷ δήμῳ. κατ’ αὐτὰ γὰρ ταῦτα ἔνοχόσ ἐστιν ὁ νικήσασ γραφῇ παρανόμων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 45

(아리스토텔레스, 아테네인들의 정치체제, work Ath. Pol., chapter 45)

상위

목록

SEARCH

MENU NAVIGATION