헬라어 문장 검색 - ΑριστόΑτηενιά1́26́

(아리스토텔레스, 아테네인들의 정치체제, work Ath. Pol., chapter 25)

ἡ μὲν οὖν τροφὴ τῷ δήμῳ διὰ τούτων ἐγίγνετο. ἔτη δὲ ἑπτακαίδεκα μάλιστα μετὰ τὰ Μηδικὰ διέμεινεν ἡ πολιτεία προεστώτων τῶν Ἀρεοπαγιτῶν, καίπερ ὑποφερομένη κατὰ μικρόν. αὐξανομένου δὲ τοῦ πλήθουσ, γενόμενοσ τοῦ δήμου προστάτησ Ἐφιάλτησ ὁ Σοφωνίδου, δοκῶν καὶ ἀδωροδόκητοσ εἶναι καὶ δίκαιοσ πρὸσ τὴν πολιτείαν, ἐπέθετο τῇ βουλῇ. καὶ πρῶτον μὲν ἀνεῖλεν πολλοὺσ τῶν Ἀρεοπαγιτῶν, ἀγῶνασ ἐπιφέρων περὶ τῶν διῳκημένων.

ἔπειτα τῆσ βουλῆσ ἐπὶ Κόνωνοσ ἄρχοντοσ ἅπαντα περιεῖλε τὰ ἐπίθετα δι’ ὧν ἦν ἡ τῆσ πολιτείασ φυλακή, καὶ τὰ μὲν τοῖσ πεντακοσίοισ, τὰ δὲ τῷ δήμῳ καὶ τοῖσ δικαστηρίοισ ἀπέδωκεν. ἔπραξε δὲ ταῦτα συναιτίου γενομένου Θεμιστοκλέουσ, ὃσ ἦν μὲν τῶν Ἀρεοπαγιτῶν, ἔμελλε δὲ κρίνεσθαι μηδισμοῦ.

βουλόμενοσ δὲ καταλυθῆναι τὴν βουλὴν ὁ Θεμιστοκλῆσ πρὸσ μὲν τὸν Ἐφιάλτην ἔλεγεν ὅτι συναρπάζειν αὐτὸν ἡ βουλὴ μέλλει, πρὸσ δὲ τοὺσ Ἀρεοπαγίτασ, ὅτι δείξει τινὰσ συνισταμένουσ ἐπὶ καταλύσει τῆσ πολιτείασ. ἀγαγὼν δὲ τοὺσ αἱρεθέντασ τῆσ βουλῆσ οὗ διέτριβεν ὁ Ἐφιάλτησ, ἵνα δείξῃ τοὺσ ἀθροιζομένουσ, διελέγετο μετὰ σπουδῆσ αὐτοῖσ. ὁ δ’ Ἐφιάλτησ ὡσ εἶδεν καταπλαγείσ, καθίζει μονοχίτων ἐπὶ τὸν βωμόν.

θαυμασάντων δὲ πάντων τὸ γεγονόσ, καὶ μετὰ ταῦτα συναθροισθείσησ τῆσ βουλῆσ τῶν πεντακοσίων, κατηγόρουν τῶν Ἀρεοπαγιτῶν ὅ τ’ Ἐφιάλτησ καὶ <ὁ> Θεμιστοκλῆσ, καὶ πάλιν ἐν τῷ δήμῳ τὸν αὐτὸν τρόπον, ἑώσ περιείλοντο αὐτῶν τὴν δύναμιν. καὶ ἀνῃρέθη δὲ καὶ ὁ Ἐφιάλτησ δολοφονηθεὶσ μετ’ οὐ πολὺν χρόνον δι’ Ἀριστοδίκου τοῦ Ταναγραίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristotle, Athenian Constitution, work Ath. Pol., chapter 25

(아리스토텔레스, 아테네인들의 정치체제, work Ath. Pol., chapter 25)

상위

목록

SEARCH

MENU NAVIGATION