Aristotle, Athenian Constitution, work Ath. Pol., chapter 43

(아리스토텔레스, 아테네인들의 정치체제, work Ath. Pol., chapter 43)

τὰ μὲν οὖν περὶ τὴν τῶν πολιτῶν ἐγγραφὴν καὶ τοὺσ ἐφήβουσ τοῦτον ἔχει τὸν τρόπον. τὰσ δ’ ἀρχὰσ τὰσ περὶ τὴν ἐγκύκλιον διοίκησιν ἁπάσασ ποιοῦσι κληρωτάσ, πλὴν ταμίου στρατιωτικῶν καὶ τῶν ἐπὶ τὸ θεωρικὸν καὶ τοῦ τῶν κρηνῶν ἐπιμελητοῦ. ταύτασ δὲ χειροτονοῦσιν, καὶ οἱ χειροτονηθέντεσ ἄρχουσιν ἐκ Παναθηναίων εἰσ Παναθήναια. χειροτονοῦσι δὲ καὶ τὰσ πρὸσ τὸν πόλεμον ἁπάσασ. βουλὴ δὲ κληροῦται φ, ν ἀπὸ φυλῆσ ἑκάστησ.

πρυτανεύει δ’ ἐν μέρει τῶν φυλῶν ἑκάστη καθ’ ὅ τι ἂν λάχωσιν, αἱ μὲν πρῶται τέτταρεσ καὶ λ ἡμέρασ ἑκάστη, αἱ δὲ αἱ ὕστεραι πέντε καὶ λ ἡμέρασ ἑκάστη· κατὰ σελήνην γὰρ ἄγουσιν τὸν ἐνιαυτόν. οἱ δὲ πρυτανεύοντεσ αὐτῶν πρῶτον μὲν συσσιτοῦσιν ἐν τῇ θόλῳ, λαμβάνοντεσ ἀργύριον παρὰ τῆσ πόλεωσ, ἔπειτα συνάγουσιν καὶ τὴν βουλὴν καὶ τὸν δῆμον·

τὴν μὲν οὖν βουλὴν ὅσαι ἡμέραι, πλὴν ἐάν τισ ἀφέσιμοσ ᾖ, τὸν δὲ δῆμον τετράκισ τῆσ πρυτανείασ ἑκάστησ. καὶ ὅσα δεῖ χρηματίζειν τὴν βουλήν, καὶ ὅ τι ἐν ἑκάστῃ τῇ ἡμέρᾳ καὶ ὅπου καθίζειν, οὗτοι προγράφουσι. προγράφουσι δὲ καὶ τὰσ ἐκκλησίασ οὗτοι·

μίαν μὲν κυρίαν, ἐν ᾗ δεῖ τὰσ ἀρχὰσ ἐπιχειροτονεῖν εἰ δοκοῦσι καλῶσ ἄρχειν, καὶ περὶ σίτου καὶ περὶ φυλακῆσ τῆσ χώρασ χρηματίζειν, καὶ τὰσ εἰσαγγελίασ ἐν ταύτῃ τῇ ἡμέρᾳ τοὺσ βουλομένουσ ποιεῖσθαι, καὶ τὰσ ἀπογραφὰσ τῶν δημευομένων ἀναγιγνώσκειν, καὶ τὰσ λήξεισ τῶν κλήρων καὶ τῶν ἐπικλήρων ἀναγινώσκειν, ὅπωσ μηδένα λάθῃ μηδὲν ἔρημον γενόμενον. ἐπὶ δὲ τῆσ ἕκτησ πρυτανείασ πρὸσ τοῖσ εἰρημένοισ καὶ περὶ τῆσ ὀστρακοφορίασ ἐπιχειροτονίαν διδόασιν, εἰ δοκεῖ ποιεῖν ἢ μή, καὶ συκοφαντῶν προβολὰσ τῶν Ἀθηναίων καὶ τῶν μετοίκων μέχρι τριῶν ἑκατέρων, κἄν τισ ὑποσχόμενόσ τι μὴ ποιήσῃ τῷ δήμῳ.

ἑτέραν δὲ ταῖσ ἱκετηρίαισ, ἐν ᾗ θεὶσ ὁ βουλόμενοσ ἱκετηρίαν, ὑπὲρ ὧν ἂν βούληται καὶ ἰδίων καὶ δημοσίων, διαλέξεται πρὸσ τὸν δῆμον.

αἱ δὲ δύο περὶ τῶν ἄλλων εἰσίν, ἐν αἷσ κελεύουσιν οἱ νόμοι τρία μὲν ἱερῶν χρηματίζειν, τρία δὲ κήρυξιν καὶ πρεσβείαισ, τρία δὲ ὁσίων. χρηματίζουσιν δ’ ἐνίοτε καὶ ἄνευ προχειροτονίασ. προσέρχονται δὲ καὶ οἱ κήρυκεσ καὶ οἱ πρέσβεισ τοῖσ πρυτάνεσιν πρῶτον, καὶ οἱ τὰσ ἐπιστολὰσ φέροντεσ τούτοισ ἀποδιδόασι.

일치하는 문장이 없습니다.

SEARCH

MENU NAVIGATION