헬라어 문장 검색 - ΑριστόΑτηενιά1́07́

(아리스토텔레스, 아테네인들의 정치체제, work Ath. Pol., chapter 6)

κύριοσ δὲ γενόμενοσ τῶν πραγμάτων Σόλων τόν τε δῆμον ἠλευθέρωσε καὶ ἐν τῷ παρόντι καὶ εἰσ τὸ μέλλον, κωλύσασ δανείζειν ἐπὶ τοῖσ σώμασιν, καὶ νόμουσ ἔθηκε καὶ χρεῶν ἀποκοπὰσ ἐποίησε, καὶ τῶν ἰδίων καὶ τῶν δημοσίων, ἃσ σεισάχθειαν καλοῦσιν, ὡσ ἀποσεισάμενοι τὸ βάροσ. ἐν οἷσ πειρῶνταί τινεσ διαβάλλειν αὐτόν·

συνέβη γὰρ τῷ Σόλωνι μέλλοντι ποιεῖν τὴν σεισάχθειαν προειπεῖν τισι τῶν γνωρίμων, ἔπειθ’ ὡσ μὲν οἱ δημοτικοὶ λέγουσι, παραστρατηγηθῆναι διὰ τῶν φίλων, ὡσ δ’ οἱ βουλόμενοι βλασφημεῖν, καὶ αὐτὸν κοινωνεῖν. δανεισάμενοι γὰρ οὗτοι συνεπρίαντο πολλὴν χώραν, καὶ μετ’ οὐ πολὺ τῆσ τῶν χρεῶν ἀποκοπῆσ γενομένησ ἐπλούτουν. ὅθεν φασὶ γενέσθαι τοὺσ ὕστερον δοκοῦντασ εἶναι παλαιοπλούτουσ. οὐ μὴν ἀλλὰ πιθανώτεροσ ὁ τῶν δημοτικῶν λόγοσ·

οὐ γὰρ εἰκὸσ ἐν μὲν τοῖσ ἄλλοισ οὕτω μέτριον γενέσθαι καὶ κοινόν, ὥστ’ ἐξὸν αὐτῷ τοὺσ ἑτέρουσ ὑποποιησάμενον τυραννεῖν τῆσ πόλεωσ, ἀμφοτέροισ ἀπεχθέσθαι καὶ περὶ πλείονοσ ποιήσασθαι τὸ καλὸν καὶ τὴν τῆσ πόλεωσ σωτηρίαν ἢ τὴν αὑτοῦ πλεονεξίαν, ἐν οὕτω δὲ μικροῖσ καὶ ἀναξίοισ καταρρυπαίνειν ἑαυτόν. ὅτι δὲ ταύτην ἔσχε τὴν ἐξουσίαν, τά τε πράγματα νοσοῦντα μαρτυρεῖ, καὶ ἐν τοῖσ ποιήμασιν αὐτὸσ πολλαχοῦ μέμνηται, καὶ οἱ ἄλλοι συνομολογοῦσι πάντεσ.

ταύτην μὲν οὖν χρὴ νομίζειν ψευδῆ τὴν αἰτίαν εἶναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 6

(아리스토텔레스, 아테네인들의 정치체제, work Ath. Pol., chapter 6)

상위

목록

SEARCH

MENU NAVIGATION