Aristotle, Athenian Constitution, work Ath. Pol., chapter 49

(아리스토텔레스, 아테네인들의 정치체제, work Ath. Pol., chapter 49)

δοκιμάζει δὲ καὶ τοὺσ ἵππουσ ἡ βουλή, κἂν μέν τισ καλὸν ἵππον ἔχων κακῶσ δοκῇ τρέφειν, ζημιοῖ τῷ σίτῳ· τοῖσ δὲ μὴ δυναμένοισ ἀκολουθεῖν, ἢ μὴ θέλουσι μένειν ἀλλ’ ἀνάγουσι, τροχὸν ἐπὶ τὴν γνάθον ἐπιβάλλει, καὶ ὁ τοῦτο παθὼν ἀδόκιμόσ ἐστι. δοκιμάζει δὲ καὶ τοὺσ προδρόμουσ, οἵτινεσ ἂν αὐτῇ δοκῶσιν ἐπιτήδειοι προδρομεύειν εἶναι, κἄν τιν’ ἀποχειροτονήσῃ, καταβέβηκεν οὗτοσ. δοκιμάζει δὲ καὶ τοὺσ ἁμίππουσ, κἄν τιν’ ἀποχειροτονήσῃ, πέπαυται μισθοφορῶν οὗτοσ. τοὺσ δ’ ἱππέασ καταλέγουσι μὲν οἱ καταλογεῖσ, οὓσ ἂν ὁ δῆμοσ χειροτονήσῃ δέκα ἄνδρασ·

οὓσ δ’ ἂν καταλέξωσι, παραδιδόασι τοῖσ ἱππάρχοισ καὶ φυλάρχοισ, οὗτοι δὲ παραλαβόντεσ εἰσφέρουσι τὸν κατάλογον εἰσ τὴν βουλήν, καὶ τὸν πίνακ’ ἀνοίξαντεσ, ἐν ᾧ κατασεσημασμένα τὰ ὀνόματα τῶν ἱππέων ἐστί, τοὺσ μὲν ἐξομνυμένουσ τῶν πρότερον ἐγγεγραμμένων μὴ δυνατοὺσ εἶναι τοῖσ σώμασιν ἱππεύειν ἐξαλείφουσι, τοὺσ δὲ κατειλεγμένουσ καλοῦσι, κἂν μέν τισ ἐξομόσηται μὴ δύνασθαι τῷ σώματι ἱππεύειν ἢ τῇ οὐσίᾳ, τοῦτον ἀφιᾶσιν, τὸν δὲ μὴ ἐξομνύμενον διαχειροτονοῦσιν οἱ βουλευταί, πότερον ἐπιτήδειόσ ἐστιν ἱππεύειν ἢ οὔ. κἂν μὲν χειροτονήσωσιν, ἐγγράφουσιν εἰσ τὸν πίνακα, εἰ δὲ μή, καὶ τοῦτον ἀφιᾶσιν. ἔκρινεν δέ ποτε καὶ τὰ παραδείγματα καὶ τὸν πέπλον ἡ βουλή, νῦν δὲ τὸ δικαστήριον τὸ λαχόν·

ἐδόκουν γὰρ οὗτοι καταχαρίζεσθαι τὴν κρίσιν. καὶ τῆσ ποιήσεωσ τῶν Νικῶν καὶ τῶν ἄθλων τῶν εἰσ τὰ Παναθήναια συνεπιμελεῖται μετὰ τοῦ ταμίου τῶν στρατιωτικῶν. δοκιμάζει δὲ καὶ τοὺσ ἀδυνάτουσ ἡ βουλή·

νόμοσ γάρ ἐστιν, ὃσ κελεύει τοὺσ ἐντὸσ τριῶν μνῶν κεκτημένουσ καὶ τὸ σῶμα πεπηρωμένουσ, ὥστε μὴ δύνασθαι μηδὲν ἔργον ἐργάζεσθαι, δοκιμάζειν μὲν τὴν βουλήν, διδόναι δὲ δημοσίᾳ τροφὴν δύο ὀβολοὺσ ἑκάστῳ τῆσ ἡμέρασ. καὶ ταμίασ ἐστὶν αὐτοῖσ κληρωτόσ. συνδιοικεῖ δὲ καὶ ταῖσ ἄλλαισ ἀρχαῖσ τὰ πλεῖσθ’ ὡσ ἔποσ εἰπεῖν.

일치하는 문장이 없습니다.

SEARCH

MENU NAVIGATION