Aristotle, Athenian Constitution, work Ath. Pol., chapter 38

(아리스토텔레스, 아테네인들의 정치체제, work Ath. Pol., chapter 38)

μετὰ δὲ ταῦτα καταλαβόντων τῶν ἀπὸ Φυλῆσ τὴν Μουνιχίαν, καὶ νικησάντων μάχῃ τοὺσ μετὰ τῶν τριάκοντα βοηθήσαντασ, ἐπαναχωρήσαντεσ μετὰ τὸν κίνδυνον οἱ ἐκ τοῦ ἄστεωσ, καὶ συναθροισθέντεσ εἰσ τὴν ἀγορὰν τῇ ὑστεραίᾳ τοὺσ μὲν τριάκοντα κατέλυσαν, αἱροῦνται δὲ δέκα τῶν πολιτῶν αὐτοκράτορασ ἐπὶ τὴν τοῦ πολέμου κατάλυσιν. οἱ δὲ παραλαβόντεσ τὴν ἀρχήν, ἐφ’ οἷσ μὲν ᾑρέθησαν οὐκ ἔπραττον, ἔπεμπον δ’ εἰσ Λακεδαίμονα βοήθειαν μεταπεμπόμενοι καὶ χρήματα δανειζόμενοι. χαλεπῶσ δὲ φερόντων ἐπὶ τούτοισ τῶν ἐν τῇ πολιτείᾳ, φοβούμενοι μὴ καταλυθῶσιν τῆσ ἀρχῆσ, καὶ βουλόμενοι καταπλῆξαι τοὺσ ἄλλουσ ὅπερ ἐγένετο, συλλαβόντεσ Δημάρετον οὐδενὸσ ὄντα δεύτερον τῶν πολιτῶν ἀπέκτειναν, καὶ τὰ πράγματα βεβαίωσ εἶχον, συναγωνιζομένου Καλλιβίου τε καὶ τῶν Πελοποννησίων τῶν παρόντων, καὶ πρὸσ τούτοισ ἐνίων τῶν ἐν τοῖσ ἱππεῦσι·

τούτων γάρ τινεσ μάλιστα τῶν πολιτῶν ἐσπούδαζον μὴ κατελθεῖν τοὺσ ἀπὸ Φυλῆσ. ὡσ δ’ οἱ τὸν Πειραιέα καὶ τὴν Μουνιχίαν ἔχοντεσ, ἀποστάντοσ ἅπαντοσ τοῦ δήμου πρὸσ αὐτούσ, ἐπεκράτουν τῷ πολέμῳ, τότε καταλύσαντεσ τοὺσ δέκα τοὺσ πρώτουσ αἱρεθέντασ ἄλλουσ εἵλοντο δέκα τοὺσ βελτίστουσ εἶναι δοκοῦντασ, ἐφ’ ὧν συνέβη καὶ τὰσ διαλύσεισ γενέσθαι καὶ κατελθεῖν τὸν δῆμον, συναγωνιζομένων καὶ προθυμουμένων τούτων.

προειστήκεσαν δ’ αὐτῶν μάλιστα Ῥίνων τε ὁ Παιανιεὺσ καὶ Φάυλλοσ ὁ Ἀχερδούσιοσ· οὗτοι γὰρ πρίν τε Παυσανίαν τ’ ἀφικέσθαι διεπέμποντο πρὸσ τοὺσ ἐν Πειραιεῖ, καὶ ἀφικομένου συνεσπούδασαν τὴν κάθοδον. ἐπὶ πέρασ γὰρ ἤγαγε τὴν εἰρήνην καὶ τὰσ διαλύσεισ Παυσανίασ ὁ τῶν Λακεδαιμονίων βασιλεύσ, μετὰ τῶν δέκα διαλλακτῶν τῶν ὕστερον ἀφικομένων ἐκ Λακεδαίμονοσ, οὓσ αὐτὸσ ἐσπούδασεν ἐλθεῖν·

οἱ δὲ περὶ τὸν Ῥίνωνα διά τε τὴν εὔνοιαν τὴν εἰσ τὸν δῆμον ἐπῃνέθησαν, καὶ λαβόντεσ τὴν ἐπιμέλειαν ἐν ὀλιγαρχίᾳ, τὰσ εὐθύνασ ἔδοσαν ἐν δημοκρατίᾳ, καὶ οὐδεὶσ οὐδὲν ἐνεκάλεσεν αὐτοῖσ, οὔτε τῶν ἐν ἄστει μεινάντων, οὔτε τῶν ἐκ Πειραιέωσ κατελθόντων, ἀλλὰ διὰ ταῦτα καὶ στρατηγὸσ εὐθὺσ ᾑρέθη Ῥίνων.

일치하는 문장이 없습니다.

SEARCH

MENU NAVIGATION