헬라어 문장 검색 - ΑριστόΑτηενιά1́32́

(아리스토텔레스, 아테네인들의 정치체제, work Ath. Pol., chapter 31)

ταύτην μὲν οὖν εἰσ τὸν μέλλοντα χρόνον ἀνέγραψαν τὴν πολιτείαν, ἐν δὲ τῷ παρόντι καιρῷ τήνδε· βουλεύειν μὲν τετρακοσίουσ κατὰ τὰ πάτρια, τετταράκοντα ἐξ ἑκάστησ φυλῆσ, ἐκ προκρίτων οὓσ ἂν ἕλωνται οἱ φυλέται τῶν ὑπὲρ τριάκοντα ἔτη γεγονότων. τούτουσ δὲ τάσ τε ἀρχὰσ καταστῆσαι, καὶ περὶ τοῦ ὁρ́κου ὅντινα χρὴ ὀμόσαι γράψαι, <καὶ> περὶ τῶν νόμων καὶ τῶν εὐθυνῶν καὶ τῶν ἄλλων πράττειν ᾗ ἂν ἡγῶνται συμφέρειν. τοῖσ δὲ νόμοισ οἳ ἂν τεθῶσιν περὶ τῶν πολιτικῶν χρῆσθαι, καὶ μὴ ἐξεῖναι μετακινεῖν μηδ’ ἑτέρουσ θέσθαι.

τῶν δὲ στρατηγῶν τὸ νῦν εἶναι τὴν αἱρ́εσιν ἐξ ἁπάντων ποιεῖσθαι τῶν πεντακισχιλίων, τὴν δὲ βουλὴν ἐπειδὰν καταστῇ, ποιήσασαν ἐξέτασιν <ἐν> ὅπλοισ ἑλέσθαι δέκα ἄνδρασ καὶ γραμματέα τούτοισ, τοὺσ δὲ αἱρεθέντασ ἄρχειν τὸν εἰσιόντα ἐνιαυτὸν αὐτοκράτορασ, καὶ ἄν τι δέωνται συμβουλεύεσθαι μετὰ τῆσ βουλῆσ. ἑλέσθαι δὲ καὶ ἵππαρχον ἕνα καὶ φυλάρχουσ δέκα.

τὸ δὲ λοιπὸν τὴν αἱρ́εσιν ποιεῖσθαι τούτων τὴν βουλὴν κατὰ τὰ γεγραμμένα. τῶν δ’ ἄλλων ἀρχῶν πλὴν τῆσ βουλῆσ καὶ τῶν στρατηγῶν μὴ ἐξεῖναι μήτε τούτοισ μήτε ἄλλῳ μηδενὶ πλέον ἢ ἅπαξ ἄρξαι τὴν αὐτὴν ἀρχήν. εἰσ δὲ τὸν ἄλλον χρόνον ἵνα νεμηθῶσιν οἱ τετρακόσιοι εἰσ τὰσ τέτταρασ λήξεισ, ὅταν τοῖσ αὐτοῖσ γίγνηται μετὰ τῶν ἄλλων βουλεύειν, διανειμάντων αὐτοὺσ οἱ ἑκατὸν ἄνδρεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 31

(아리스토텔레스, 아테네인들의 정치체제, work Ath. Pol., chapter 31)

상위

목록

SEARCH

MENU NAVIGATION