Aristotle, Athenian Constitution, work Ath. Pol., chapter 33

(아리스토텔레스, 아테네인들의 정치체제, work Ath. Pol., chapter 33)

μῆνασ μὲν οὖν ἴσωσ τέτταρασ διέμεινεν ἡ τῶν τετρακοσίων πολιτεία, καὶ ἦρξεν ἐξ αὐτῶν Μνησίλοχοσ δίμηνον ἐπὶ Θεοπόμπου ἄρχοντοσ, <ὃσ> ἦρξε τοὺσ ἐπιλοίπουσ δέκα μῆνασ. ἡττηθέντεσ δὲ τῇ περὶ Ἐρέτριαν ναυμαχίᾳ, καὶ τῆσ Εὐβοίασ ἀποστάσησ ὅλησ πλὴν Ὠρεοῦ, χαλεπῶσ ἐνεγκόντεσ ἐπὶ τῇ συμφορᾷ μάλιστα τῶν προγεγενημένων πλείω γὰρ ἐκ τῆσ Εὐβοίασ ἢ τῆσ Ἀττικῆσ ἐτύγχανον ὠφελούμενοι, κατέλυσαν τοὺσ τετρακοσίουσ, καὶ τὰ πράγματα παρέδωκαν τοῖσ πεντακισχιλίοισ τοῖσ ἐκ τῶν ὅπλων, ψηφισάμενοι μηδεμίαν ἀρχὴν εἶναι μισθοφόρον. αἰτιώτατοι δ’ ἐγένοντο τῆσ καταλύσεωσ Ἀριστοκράτησ καὶ Θηραμένησ, οὐ συναρεσκόμενοι τοῖσ ὑπὸ τῶν τετρακοσίων γιγνομένοισ.

ἅπαντα γὰρ δι’ αὑτῶν ἔπραττον, οὐδὲν ἐπαναφέροντεσ τοῖσ πεντακισχιλίοισ. δοκοῦσι δὲ καλῶσ πολιτευθῆναι κατὰ τούτουσ τοὺσ καιρούσ, πολέμου τε καθεστῶτοσ καὶ ἐκ τῶν ὅπλων τῆσ πολιτείασ οὔσησ.

일치하는 문장이 없습니다.

SEARCH

MENU NAVIGATION