Aristotle, Athenian Constitution, work Ath. Pol., chapter 35

(아리스토텔레스, 아테네인들의 정치체제, work Ath. Pol., chapter 35)

οἱ μὲν οὖν τριάκοντα τοῦτον τὸν τρόπον κατέστησαν ἐπὶ Πυθοδώρου ἄρχοντοσ. γενόμενοι δὲ κύριοι τῆσ πόλεωσ, τὰ μὲν ἄλλα τὰ δόξαντα περὶ τῆσ πολιτείασ παρεώρων, πεντακοσίουσ δὲ βουλευτὰσ καὶ τὰσ ἄλλασ ἀρχὰσ καταστήσαντεσ ἐκ προκρίτων ἐκ τῶν χιλίων, καὶ προσελόμενοι σφίσιν αὐτοῖσ τοῦ Πειραιέωσ ἄρχοντασ δέκα, καὶ τοῦ δεσμωτηρίου φύλακασ ἕνδεκα, καὶ μαστιγοφόρουσ τριακοσίουσ ὑπηρέτασ κατεῖχον τὴν πόλιν δι’ ἑαυτῶν. τὸ μὲν οὖν πρῶτον μέτριοι τοῖσ πολίταισ ἦσαν καὶ προσεποιοῦντο διώκειν τὴν πάτριον πολιτείαν, καὶ τούσ τ’ Ἐφιάλτου καὶ Ἀρχεστράτου νόμουσ τοὺσ περὶ τῶν Ἀρεοπαγιτῶν καθεῖλον ἐξ Ἀρείου πάγου, καὶ τῶν Σόλωνοσ θεσμῶν ὅσοι διαμφισβητήσεισ ἔσχον, καὶ τὸ κῦροσ ὃ ἦν ἐν τοῖσ δικασταῖσ κατέλυσαν, ὡσ ἐπανορθοῦντεσ καὶ ποιοῦντεσ ἀναμφισβήτητον τὴν πολιτείαν, οἱο͂ν <τὸν> περὶ τοῦ δοῦναι τὰ ἑαυτοῦ ᾧ ἂν ἐθέλῃ κύριον ποιήσαντεσ καθάπαξ·

τὰσ δὲ προσούσασ δυσκολίασ, "ἐὰν μὴ μανιῶν ἢ γηρῶν ἢ γυναικὶ πιθόμενοσ," ἀφεῖλον ὅπωσ μὴ ᾖ τοῖσ συκοφάνταισ ἔφοδοσ· ὁμοίωσ δὲ τοῦτ’ ἔδρων καὶ ἐπὶ τῶν ἄλλων. κατ’ ἀρχὰσ μὲν οὖν ταῦτ’ ἐποίουν, καὶ τοὺσ συκοφάντασ καὶ τοὺσ τῷ δήμῳ πρὸσ χάριν ὁμιλοῦντασ παρὰ τὸ βέλτιστον καὶ κακοπράγμονασ ὄντασ καὶ πονηροὺσ ἀνῄρουν, ἐφ’ οἷσ ἔχαιρεν ἡ πόλισ γιγνομένοισ, ἡγούμενοι τοῦ βελτίστου χάριν ποιεῖν αὐτούσ.

ἐπεὶ δὲ τὴν πόλιν ἐγκρατέστερον ἔσχον, οὐδενὸσ ἀπείχοντο τῶν πολιτῶν, ἀλλ’ ἀπέκτειναν τοὺσ καὶ ταῖσ οὐσίαισ καὶ τῷ γένει καὶ τοῖσ ἀξιώμασιν προέχοντασ, ὑπεξαιρούμενοί τε τὸν φόβον καὶ βουλόμενοι τὰσ οὐσίασ διαρπάζειν.

καὶ χρόνου διαπεσόντοσ βραχέοσ, οὐκ ἐλάττουσ ἀνῃρήκεσαν ἢ χιλίουσ πεντακοσίουσ.

일치하는 문장이 없습니다.

SEARCH

MENU NAVIGATION