Aristotle, Athenian Constitution, work Ath. Pol., chapter 30

(아리스토텔레스, 아테네인들의 정치체제, work Ath. Pol., chapter 30)

οἱ μὲν οὖν αἱρεθέντεσ ταῦτα συνέγραψαν. κυρωθέντων δὲ τούτων, εἵλοντο σφῶν αὐτῶν οἱ πεντακισχίλιοι τοὺσ ἀναγράψοντασ τὴν πολιτείαν ἑκατὸν ἄνδρασ. οἱ δ’ αἱρεθέντεσ ἀνέγραψαν καὶ ἐξήνεγκαν τάδε· βουλεύειν μὲν κατ’ ἐνιαυτὸν τοὺσ ὑπὲρ τριάκοντα ἔτη γεγονότασ ἄνευ μισθοφορᾶσ·

τούτων δ’ εἶναι τοὺσ στρατηγοὺσ καὶ τοὺσ ἐννέα ἄρχοντασ καὶ τὸν ἱερομνήμονα καὶ τοὺσ ταξιάρχουσ καὶ ἱππάρχουσ καὶ φυλάρχουσ καὶ ἄρχοντασ εἰσ τὰ φρούρια καὶ ταμίασ τῶν ἱερῶν χρημάτων τῇ θεῷ καὶ τοῖσ ἄλλοισ θεοῖσ δέκα καὶ ἑλληνοταμίασ καὶ τῶν ἄλλων ὁσίων χρημάτων ἁπάντων εἴκοσιν οἳ διαχειριοῦσιν, καὶ ἱεροποιοὺσ καὶ ἐπιμελητὰσ δέκα ἑκατέρουσ· αἱρεῖσθαι δὲ πάντασ τούτουσ ἐκ προκρίτων, ἐκ τῶν ἀεὶ βουλευόντων πλείουσ προκρίνοντασ· τὰσ δ’ ἄλλασ ἀρχὰσ ἁπάσασ κληρωτὰσ εἶναι καὶ μὴ ἐκ τῆσ βουλῆσ. τοὺσ δὲ ἑλληνοταμίασ οἳ ἂν διαχειρίζωσι τὰ χρήματα μὴ συμβουλεύειν. βουλὰσ δὲ ποιῆσαι τέτταρασ ἐκ τῆσ ἡλικίασ τῆσ εἰρημένησ εἰσ τὸν λοιπὸν χρόνον, καὶ τούτων τὸ λαχὸν μέροσ βουλεύειν, νεῖμαι δὲ καὶ τοὺσ ἄλλουσ πρὸσ τὴν λῆξιν ἑκάστην.

τοὺσ δ’ ἑκατὸν ἄνδρασ διανεῖμαι σφᾶσ τε αὐτοὺσ καὶ τοὺσ ἄλλουσ τέτταρα μέρη ὡσ ἰσαίτατα καὶ διακληρῶσαι καὶ εἰσ ἐνιαυτὸν βουλεύειν <βουλεύεσθαι> δὲ ᾗ ἂν δοκῇ αὐτοῖσ ἄριστα ἕξειν περί τε τῶν χρημάτων, ὅπωσ ἂν σῷα ᾖ καὶ εἰσ τὸ δέον ἀναλίσκηται, καὶ περὶ τῶν ἄλλων ὡσ ἂν δύνωνται ἄριστα· κἄν τι θέλωσιν βουλεύσασθαι μετὰ πλειόνων, ἐπεισκαλεῖν ἕκαστον ἐπείσκλητον ὃν ἂν ἐθέλῃ τῶν ἐκ τῆσ αὐτῆσ ἡλικίασ.

τὰσ δ’ ἕδρασ ποιεῖν τῆσ βουλῆσ κατὰ πενθήμερον, ἐὰν μὴ δέωνται πλειόνων. πληροῦν δὲ τὴν βουλὴν τοὺσ ἐννέα ἄρχοντασ. τὰσ δὲ χειροτονίασ κρίνειν πέντε τοὺσ λαχόντασ ἐκ τῆσ βουλῆσ, καὶ ἐκ τούτων ἕνα κληροῦσθαι καθ’ ἑκάστην ἡμέραν τὸν ἐπιψηφιοῦντα. κληροῦν δὲ τοὺσ λαχόντασ πέντε τοὺσ ἐθέλοντασ προσελθεῖν ἐναντίον τῆσ βουλῆσ, πρῶτον μὲν ἱερῶν, δεύτερον δὲ κήρυξιν, τρίτον πρεσβείαισ, τέταρτον τῶν ἄλλων·

τὰ δὲ τοῦ πολέμου ὅταν δέῃ ἀκληρωτὶ προσαγαγόντασ τοὺσ στρατηγοὺσ χρηματίζεσθαι. τὸν δὲ μὴ ἰόντα εἰσ τὸ βουλευτήριον τῶν βουλευόντων τὴν ὡρ́αν τὴν προρρηθεῖσαν ὀφείλειν δραχμὴν τῆσ ἡμέρασ ἑκάστησ, ἐὰν μὴ εὑρισκόμενοσ ἄφεσιν τῆσ βουλῆσ ἀπῇ.

일치하는 문장이 없습니다.

SEARCH

MENU NAVIGATION