Aristotle, Athenian Constitution, work Ath. Pol., chapter 13

(아리스토텔레스, 아테네인들의 정치체제, work Ath. Pol., chapter 13)

τὴν μὲν οὖν ἀποδημίαν ἐποιήσατο διὰ ταύτασ τὰσ αἰτίασ. Σόλωνοσ δ’ ἀποδημήσαντοσ, ἔτι τῆσ πόλεωσ τεταραγμένησ ἐπὶ μὲν ἔτη τέτταρα διῆγον ἐν ἡσυχίᾳ· τῷ δὲ πέμπτῳ μετὰ τὴν Σόλωνοσ ἀρχὴν οὐ κατέστησαν ἄρχοντα διὰ τὴν στάσιν, καὶ πάλιν ἔτει πέμπτῳ διὰ τὴν αὐτὴν αἰτίαν ἀναρχίαν ἐποίησαν. μετὰ δὲ ταῦτα διὰ τῶν αὐτῶν χρόνων Δαμασίασ αἱρεθεὶσ ἄρχων ἔτη δύο καὶ δύο μῆνασ ἦρξεν, ἑώσ ἐξηλάθη βίᾳ τῆσ ἀρχῆσ.

εἶτ’ ἔδοξεν αὐτοῖσ διὰ τὸ στασιάζειν ἄρχοντασ ἑλέσθαι δέκα, πέντε μὲν εὐπατριδῶν, τρεῖσ δὲ ἀγροίκων, δύο δὲ δημιουργῶν, καὶ οὗτοι τὸν μετὰ Δαμασίαν ἦρξαν ἐνιαυτόν. ᾧ καὶ δῆλον ὅτι μεγίστην εἶχεν δύναμιν ὁ ἄρχων· φαίνονται γὰρ αἰεὶ στασιάζοντεσ περὶ ταύτησ τῆσ ἀρχῆσ. ὅλωσ δὲ διετέλουν νοσοῦντεσ τὰ πρὸσ ἑαυτούσ, οἱ μὲν ἀρχὴν καὶ πρόφασιν ἔχοντεσ τὴν τῶν χρεῶν ἀποκοπήν συνεβεβήκει γὰρ αὐτοῖσ γεγονέναι πένησιν, οἱ δὲ τῇ πολιτείᾳ δυσχεραίνοντεσ διὰ τὸ μεγάλην γεγονέναι μεταβολήν, ἔνιοι δὲ διὰ τὴν πρὸσ ἀλλήλουσ φιλονικίαν.

ἦσαν δ’ αἱ στάσεισ τρεῖσ·

μία μὲν τῶν παραλίων, ὧν προειστήκει Μεγακλῆσ ὁ Ἀλκμέωνοσ, οἵπερ ἐδόκουν μάλιστα διώκειν τὴν μέσην πολιτείαν. ἄλλη δὲ τῶν πεδιακῶν, οἳ τὴν ὀλιγαρχίαν ἐζήτουν· ἡγεῖτο δ’ αὐτῶν Λυκοῦργοσ. τρίτη δ’ ἡ τῶν διακρίων, ἐφ’ ᾗ τεταγμένοσ ἦν Πεισίστρατοσ, δημοτικώτατοσ εἶναι δοκῶν. προσεκεκόσμηντο δὲ τούτοισ οἵ τε ἀφῃρημένοι τὰ χρέα διὰ τὴν ἀπορίαν, καὶ οἱ τῷ γένει μὴ καθαροὶ διὰ τὸν φόβον·

σημεῖον δ’, ὅτι μετὰ τὴν τῶν τυράννων κατάλυσιν ἐποίησαν διαψηφισμόν, ὡσ πολλῶν κοινωνούντων τῆσ πολιτείασ οὐ προσῆκον. εἶχον δ’ ἕκαστοι τὰσ ἐπωνυμίασ ἀπὸ τῶν τόπων ἐν οἷσ ἐγεώργουν.

일치하는 문장이 없습니다.

SEARCH

MENU NAVIGATION