헬라어 문장 검색 - ΑριστόΑτηενιά1́56́

(아리스토텔레스, 아테네인들의 정치체제, work Ath. Pol., chapter 55)

αὗται μὲν οὖν αἱ ἀρχαὶ κληρωταί τε καὶ κύριαι τῶν εἰρημένων πράξεων εἰσίν. οἱ δὲ καλούμενοι ἐννέα ἄρχοντεσ τὸ μὲν ἐξ ἀρχῆσ ὃν τρόπον καθίσταντο, εἴρηται· νῦν δὲ κληροῦσιν θεσμοθέτασ μὲν ἓξ καὶ γραμματέα τούτοισ, ἔτι δ’ ἄρχοντα καὶ βασιλέα καὶ πολέμαρχον, κατὰ μέροσ ἐξ ἑκάστησ φυλῆσ. δοκιμάζονται δ’ οὗτοι πρῶτον μὲν ἐν τῇ βουλῇ τοῖσ φ, πλὴν τοῦ γραμματέωσ, οὗτοσ δ’ ἐν δικαστηρίῳ μόνον ὥσπερ οἱ ἄλλοι ἄρχοντεσ πάντεσ γὰρ καὶ οἱ κληρωτοὶ καὶ οἱ χειροτονητοὶ δοκιμασθέντεσ ἄρχουσιν, οἱ δ’ ἐννέα ἄρχοντεσ ἔν τε τῇ βουλῇ καὶ πάλιν ἐν δικαστηρίῳ.

καὶ πρότερον μὲν οὐκ ἦρχεν ὅντιν’ ἀποδοκιμάσειεν ἡ βουλή, νῦν δ’ ἔφεσίσ ἐστιν εἰσ τὸ δικαστήριον, καὶ τοῦτο κύριόν ἐστι τῆσ δοκιμασίασ. ἐπερωτῶσιν δ’, ὅταν δοκιμάζωσιν, πρῶτον μὲν "3τίσ σοι πατὴρ καὶ πόθεν τῶν δήμων, καὶ τίσ πατρὸσ πατήρ, καὶ τίσ μήτηρ, καὶ τίσ μητρὸσ πατὴρ καὶ πόθεν τῶν δήμων"3;

μετὰ δὲ ταῦτα εἰ ἔστιν αὐτῷ Ἀπόλλων Πατρῷοσ καὶ Ζεὺσ Ἑρκεῖοσ, καὶ ποῦ ταῦτα τὰ ἱερά ἐστιν, εἶτα ἠρία εἰ ἔστιν καὶ ποῦ ταῦτα, ἔπειτα γονέασ εἰ εὖ ποιεῖ, καὶ τὰ τέλη <εἰ> τελεῖ, καὶ τὰσ στρατείασ εἰ ἐστράτευται. ταῦτα δ’ ἀνερωτήσασ, "3κάλει" 3 φησὶν "3τούτων τοὺσ μάρτυρασ" 3. ἐπειδὰν δὲ παράσχηται τοὺσ μάρτυρασ, ἐπερωτᾷ "3τούτου βούλεταί τισ κατηγορεῖν"3;

κἂν μὲν ᾖ τισ κατήγοροσ, δοὺσ κατηγορίαν καὶ ἀπολογίαν, οὕτω δίδωσιν ἐν μὲν τῇ βουλῇ τὴν ἐπιχειροτονίαν, ἐν δὲ τῷ δικαστηρίῳ τὴν ψῆφον· ἐὰν δὲ μηδεὶσ βούληται κατηγορεῖν, εὐθὺσ δίδωσι τὴν ψῆφον· καὶ πρότερον μὲν εἷσ ἐνέβαλλε τὴν ψῆφον, νῦν δ’ ἀνάγκη πάντασ ἐστὶ διαψηφίζεσθαι περὶ αὐτῶν, ἵνα ἄν τισ πονηρὸσ ὢν ἀπαλλάξῃ τοὺσ κατηγόρουσ, ἐπὶ τοῖσ δικασταῖσ γένηται τοῦτον ἀποδοκιμάσαι. δοκιμασθέν<τεσ> δὲ τοῦτον τὸν τρόπον, βαδίζουσι πρὸσ τὸν λίθον ἐφ’ οὗ τὰ τόμι’ ἐστίν, ἐφ’ οὗ καὶ οἱ διαιτηταὶ ὀμόσαντεσ ἀποφαίνονται τὰσ διαίτασ, καὶ οἱ μάρτυρεσ ἐξόμνυνται τὰσ μαρτυρίασ·

ἀναβάντεσ δ’ ἐπὶ τοῦτον ὀμνύουσιν δικαίωσ ἄρξειν καὶ κατὰ τοὺσ νόμουσ, καὶ δῶρα μὴ λήψεσθαι τῆσ ἀρχῆσ ἕνεκα, κἄν τι λάβωσι ἀνδριάντα ἀναθήσειν χρυσοῦν. ἐντεῦθεν δ’ ὀμόσαντεσ εἰσ ἀκρόπολιν βαδίζουσιν καὶ πάλιν ἐκεῖ ταὐτὰ ὀμνύουσι, καὶ μετὰ ταῦτ’ εἰσ τὴν ἀρχὴν εἰσέρχονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 55

(아리스토텔레스, 아테네인들의 정치체제, work Ath. Pol., chapter 55)

상위

목록

SEARCH

MENU NAVIGATION