헬라어 문장 검색 - ΑριστόΑτηενιά1́43́

(아리스토텔레스, 아테네인들의 정치체제, work Ath. Pol., chapter 42)

ἔχει δ’ ἡ νῦν κατάστασισ τῆσ πολιτείασ τόνδε τὸν τρόπον. μετέχουσιν μὲν τῆσ πολιτείασ οἱ ἐξ ἀμφοτέρων γεγονότεσ ἀστῶν, ἐγγράφονται δ’ εἰσ τοὺσ δημότασ ὀκτωκαίδεκα ἔτη γεγονότεσ. ὅταν δ’ ἐγγράφωνται, διαψηφίζονται περὶ αὐτῶν ὀμόσαντεσ οἱ δημόται, πρῶτον μὲν εἰ δοκοῦσι γεγονέναι τὴν ἡλικίαν τὴν ἐκ τοῦ νόμου, κἂν μὴ δόξωσι, ἀπέρχονται πάλιν εἰσ παῖδασ, δεύτερον δ’ εἰ ἐλεύθερόσ ἐστι καὶ γέγονε κατὰ τοὺσ νόμουσ. ἔπειτ’ ἂν μὲν ἀποψηφίσωνται μὴ εἶναι ἐλεύθερον, ὁ μὲν ἐφίησιν εἰσ τὸ δικαστήριον, οἱ δὲ δημόται κατηγόρουσ αἱροῦνται πέντε ἄνδρασ ἐξ αὑτῶν, κἂν μὲν μὴ δόξῃ δικαίωσ ἐγγράφεσθαι, πωλεῖ τοῦτον ἡ πόλισ· ἐὰν δὲ νικήσῃ, τοῖσ δημόταισ ἐπάναγκεσ ἐγγράφειν. μετὰ δὲ ταῦτα δοκιμάζει τοὺσ ἐγγραφέντασ ἡ βουλή, κἄν τισ δόξῃ νεώτεροσ ὀκτωκαίδεκ’ ἐτῶν εἶναι, ζημιοῖ τοὺσ δημότασ τοὺσ ἐγγράψαντασ.

ἐπὰν δὲ δοκιμασθῶσιν οἱ ἔφηβοι, συλλεγέντεσ οἱ πατέρεσ αὐτῶν κατὰ φυλάσ, ὀμόσαντεσ αἱροῦνται τρεῖσ ἐκ τῶν φυλετῶν τῶν ὑπὲρ τετταράκοντα ἔτη γεγονότων, οὓσ ἂν ἡγῶνται βελτίστουσ εἶναι καὶ ἐπιτηδειοτάτουσ ἐπιμελεῖσθαι τῶν ἐφήβων, ἐκ δὲ τούτων ὁ δῆμοσ ἕνα τῆσ φυλῆσ ἑκάστησ χειροτονεῖ σωφρονιστήν, καὶ κοσμητὴν ἐκ τῶν ἄλλων Ἀθηναίων ἐπὶ πάντασ. συλλαβόντεσ δ’ οὗτοι τοὺσ ἐφήβουσ, πρῶτον μὲν τὰ ἱερὰ περιῆλθον, εἶτ’ εἰσ Πειραιέα πορεύονται, καὶ φρουροῦσιν οἱ μὲν τὴν Μουνιχίαν, οἱ δὲ τὴν Ἀκτήν. χειροτονεῖ δὲ καὶ παιδοτρίβασ αὐτοῖσ δύο καὶ διδασκάλουσ, οἵτινεσ ὁπλομαχεῖν καὶ τοξεύειν καὶ ἀκοντίζειν καὶ καταπάλτην ἀφιέναι διδάσκουσιν. δίδωσι δὲ καὶ εἰσ τροφὴν τοῖσ μὲν σωφρονισταῖσ δραχμὴν α ἑκάστῳ, τοῖσ δ’ ἐφήβοισ τέτταρασ ὀβολοὺσ ἑκάστῳ·

τὰ δὲ τῶν φυλετῶν τῶν αὑτοῦ λαμβάνων ὁ σωφρονιστὴσ ἕκαστοσ ἀγοράζει τὰ ἐπιτήδεια πᾶσιν εἰσ τὸ κοινόν συσσιτοῦσι γὰρ κατὰ φυλάσ, καὶ τῶν ἄλλων ἐπιμελεῖται πάντων. καὶ τὸν μὲν πρῶτον ἐνιαυτὸν οὕτωσ διάγουσι·

τὸν δ’ ὕστερον ἐκκλησίασ ἐν τῷ θεάτρῳ γενομένησ, ἀποδειξάμενοι τῷ δήμῳ τὰ περὶ τὰσ τάξεισ, καὶ λαβόντεσ ἀσπίδα καὶ δόρυ παρὰ τῆσ πόλεωσ, περιπολοῦσι τὴν χώραν καὶ διατρίβουσιν ἐν τοῖσ φυλακτηρίοισ. φρουροῦσι δὲ τὰ δύο ἔτη χλαμύδασ ἔχοντεσ, καὶ ἀτελεῖσ εἰσι πάντων·

καὶ δίκην οὔτε διδόασιν οὔτε λαμβάνουσιν, ἵνα μὴ πρόφασισ ᾖ τοῦ ἀπιέναι, πλὴν περὶ κλήρου καὶ ἐπικλήρου, κἄν τινι κατὰ τὸ γένοσ ἱερωσύνη γένηται. διεξελθόντων δὲ τῶν δυεῖν ἐτῶν, ἤδη μετὰ τῶν ἄλλων εἰσίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 42

(아리스토텔레스, 아테네인들의 정치체제, work Ath. Pol., chapter 42)

상위

목록

SEARCH

MENU NAVIGATION