헬라어 문장 검색 - ΑριστόΑτηενιά1́30́

(아리스토텔레스, 아테네인들의 정치체제, work Ath. Pol., chapter 29)

ἑώσ μὲν οὖν ἰσόρροπα τὰ πράγματα κατὰ τὸν πόλεμον ἦν, διεφύλαττον τὴν δημοκρατίαν. ἐπεὶ δὲ μετὰ τὴν ἐν Σικελίᾳ γενομένην συμφορὰν ἰσχυρότερα τὰ τῶν Λακεδαιμονίων ἐγένετο διὰ τὴν πρὸσ βασιλέα συμμαχίαν, ἠναγκάσθησαν κινήσαντεσ τὴν δημοκρατίαν καταστῆσαι τὴν ἐπὶ τῶν τετρακοσίων πολιτείαν, εἰπόντοσ τὸν μὲν πρὸ τοῦ ψηφίσματοσ λόγον Μηλοβίου, τὴν δὲ γνώμην γράψαντοσ Πυθοδώρου τοῦ Ἀναφλυστίου, μάλιστα δὲ συμπεισθέντων τῶν πολλῶν διὰ τὸ νομίζειν βασιλέα μᾶλλον ἑαυτοῖσ συμπολεμήσειν, ἐὰν δι’ ὀλίγων ποιήσωνται τὴν πολιτείαν. ἦν δὲ τὸ ψήφισμα τὸ Πυθοδώρου τοιόνδε·

τὸν δῆμον ἑλέσθαι μετὰ τῶν προϋπαρχόντων δέκα προβούλων ἄλλουσ εἴκοσι ἐκ τῶν ὑπὲρ τετταράκοντα ἔτη γεγονότων, οἵτινεσ ὀμόσαντεσ ἦ μὴν συγγράψειν ἃ ἂν ἡγῶνται βέλτιστα εἶναι τῇ πόλει, συγγράψουσι περὶ τῆσ σωτηρίασ· ἐξεῖναι δὲ καὶ τῶν ἄλλων τῷ βουλομένῳ γράφειν, ἵν’ ἐξ ἁπάντων αἱρῶνται τὸ ἄριστον.

Κλειτοφῶν δὲ τὰ μὲν ἄλλα καθάπερ Πυθόδωροσ εἶπεν, προσαναζητῆσαι δὲ τοὺσ αἱρεθέντασ ἔγραψεν καὶ τοὺσ πατρίουσ νόμουσ, οὓσ Κλεισθένησ ἔθηκεν ὅτε καθίστη τὴν δημοκρατίαν, ὅπωσ <ἂν> ἀκούσαντεσ καὶ τούτων βουλεύσωνται τὸ ἄριστον, ὡσ οὐ δημοτικὴν ἀλλὰ παραπλησίαν οὖσαν τὴν Κλεισθένουσ πολιτείαν τῇ Σόλωνοσ. οἱ δ’ αἱρεθέντεσ πρῶτον μὲν ἔγραψαν ἐπάναγκεσ εἶναι τοὺσ πρυτάνεισ ἅπαντα τὰ λεγόμενα περὶ τῆσ σωτηρίασ ἐπιψηφίζειν, ἔπειτα τὰσ τῶν παρανόμων γραφὰσ καὶ τὰσ εἰσαγγελίασ καὶ τὰσ προσκλήσεισ ἀνεῖλον, ὅπωσ ἂν οἱ ἐθέλοντεσ Ἀθηναίων συμβουλεύωσι περὶ τῶν προκειμένων.

ἐὰν δέ τισ τούτων χάριν ἢ ζημιοῖ ἢ προσκαλῆται ἢ εἰσάγῃ εἰσ δικαστήριον, ἔνδειξιν αὐτοῦ εἶναι καὶ ἀπαγωγὴν πρὸσ τοὺσ στρατηγούσ, τοὺσ δὲ στρατηγοὺσ παραδοῦναι τοῖσ ἕνδεκα θανάτῳ ζημιῶσαι. μετὰ δὲ ταῦτα τὴν πολιτείαν διέταξαν τόνδε <τὸν> τρόπον.

τὰ μὲν χρήματα <τὰ> προσιόντα μὴ ἐξεῖναι ἄλλοσε δαπανῆσαι ἢ εἰσ τὸν πόλεμον, τὰσ δ’ ἀρχὰσ ἀμίσθουσ ἄρχειν ἁπάσασ ἑώσ ἂν ὁ πόλεμοσ ᾖ, πλὴν τῶν ἐννέα ἀρχόντων καὶ τῶν πρυτάνεων οἳ ἂν ὦσιν· τούτουσ δὲ φέρειν τρεῖσ ὀβολοὺσ ἕκαστον τῆσ ἡμέρασ. τὴν δ’ ἄλλην πολιτείαν ἐπιτρέψαι πᾶσαν Ἀθηναίων τοῖσ δυνατωτάτοισ καὶ τοῖσ σώμασιν καὶ τοῖσ χρήμασιν λῃτουργεῖν, μὴ ἔλαττον ἢ πεντακισχιλίοισ, ἑώσ ἂν ὁ πόλεμοσ ᾖ. κυρίουσ δ’ εἶναι τούτουσ καὶ συνθήκασ συντίθεσθαι πρὸσ οὓσ ἂν ἐθέλωσιν. ἑλέσθαι δὲ καὶ τῆσ φυλῆσ ἑκάστησ δέκα ἄνδρασ ὑπὲρ τετταράκοντα ἔτη γεγονότασ, οἵτινεσ καταλέξουσι τοὺσ πεντακισχιλίουσ ὀμόσαντεσ καθ’ ἱερῶν τελείων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 29

(아리스토텔레스, 아테네인들의 정치체제, work Ath. Pol., chapter 29)

상위

목록

SEARCH

MENU NAVIGATION