헬라어 문장 검색 - ΑριστόΑτηενιά1́29́

(아리스토텔레스, 아테네인들의 정치체제, work Ath. Pol., chapter 28)

ἑώσ μὲν οὖν Περικλῆσ προειστήκει τοῦ δήμου, βελτίω τὰ κατὰ τὴν πολιτείαν ἦν, τελευτήσαντοσ δὲ Περικλέουσ πολὺ χείρω. πρῶτον γὰρ τότε προστάτην ἔλαβεν ὁ δῆμοσ οὐκ εὐδοκιμοῦντα παρὰ τοῖσ ἐπιεικέσιν· ἐν δὲ τοῖσ πρότερον χρόνοισ ἀεὶ διετέλουν οἱ ἐπιεικεῖσ δημαγωγοῦντεσ. ἐξ ἀρχῆσ μὲν γὰρ καὶ πρῶτοσ ἐγένετο προστάτησ τοῦ δήμου Σόλων, δεύτεροσ δὲ Πεισίστρατοσ, τῶν εὐγενῶν καὶ γνωρίμων·

καταλυθείσησ δὲ τῆσ τυραννίδοσ Κλεισθένησ, τοῦ γένουσ ὢν τῶν Ἀλκμεωνιδῶν, καὶ τούτῳ μὲν οὐδεὶσ ἦν ἀντιστασιώτησ, ὡσ ἐξέπεσον οἱ περὶ τὸν Ἰσαγόραν. μετὰ δὲ ταῦτα τοῦ μὲν δήμου προειστήκει Ξάνθιπποσ, τῶν δὲ γνωρίμων Μιλτιάδησ, ἔπειτα Θεμιστοκλῆσ καὶ Ἀριστείδησ· μετὰ δὲ τούτουσ Ἐφιάλτησ μὲν τοῦ δήμου, Κίμων δ’ ὁ Μιλτιάδου τῶν εὐπόρων· εἶτα Περικλῆσ μὲν τοῦ δήμου, Θουκυδίδησ δὲ τῶν ἑτέρων, κηδεστὴσ ὢν Κίμωνοσ. Περικλέουσ δὲ τελευτήσαντοσ, τῶν μὲν ἐπιφανῶν προειστήκει Νικίασ ὁ ἐν Σικελίᾳ τελευτήσασ, τοῦ δὲ δήμου Κλέων ὁ Κλεαινέτου, ὃσ δοκεῖ μάλιστα διαφθεῖραι τὸν δῆμον ταῖσ ὁρμαῖσ, καὶ πρῶτοσ ἐπὶ τοῦ βήματοσ ἀνέκραγε καὶ ἐλοιδορήσατο, καὶ περιζωσάμενοσ ἐδημηγόρησε, τῶν ἄλλων ἐν κόσμῳ λεγόντων.

εἶτα μετὰ τούτουσ τῶν μὲν ἑτέρων Θηραμένησ ὁ Ἅγνωνοσ, τοῦ δὲ δήμου Κλεοφῶν ὁ λυροποιόσ, ὃσ καὶ τὴν διωβελίαν ἐπόρισε πρῶτοσ· καὶ χρόνον μέν τινα διεδίδου, μετὰ δὲ ταῦτα κατέλυσε Καλλικράτησ Παιανιεύσ, πρῶτοσ ὑποσχόμενοσ ἐπιθήσειν πρὸσ τοῖν δυοῖν ὀβολοῖν ἄλλον ὀβολόν. τούτων μὲν οὖν ἀμφοτέρων θάνατον κατέγνωσαν ὕστερον· εἰώθεν γὰρ κἂν ἐξαπατηθῇ τὸ πλῆθοσ ὕστερον μισεῖν τούσ τι προαγαγόντασ ποιεῖν αὐτοὺσ τῶν μὴ καλῶσ ἐχόντων. ἀπὸ δὲ Κλεοφῶντοσ ἤδη διεδέχοντο συνεχῶσ τὴν δημαγωγίαν οἱ μάλιστα βουλόμενοι θρασύνεσθαι καὶ χαρίζεσθαι τοῖσ πολλοῖσ πρὸσ τὸ παραυτίκα βλέποντεσ.

δοκοῦσι δὲ βέλτιστοι γεγονέναι τῶν Ἀθήνησι πολιτευσαμένων μετὰ τοὺσ ἀρχαίουσ Νικίασ καὶ Θουκυδίδησ καὶ Θηραμένησ.

καὶ περὶ μὲν Νικίου καὶ Θουκυδίδου πάντεσ σχεδὸν ὁμολογοῦσιν ἄνδρασ γεγονέναι οὐ μόνον καλοὺσ κἀγαθούσ, ἀλλὰ καὶ πολιτικοὺσ καὶ τῇ πόλει πάσῃ πατρικῶσ χρωμένουσ, περὶ δὲ Θηραμένουσ, διὰ τὸ συμβῆναι κατ’ αὐτὸν ταραχώδεισ τὰσ πολιτείασ, ἀμφισβήτησισ τῆσ κρίσεώσ ἐστι. δοκεῖ μέντοι μὴ παρέργωσ ἀποφαινομένοισ οὐχ ὥσπερ αὐτὸν διαβάλλουσι πάσασ τὰσ πολιτείασ καταλύειν, ἀλλὰ πάσασ προάγειν ἑώσ μηδὲν παρανομοῖεν, ὡσ δυνάμενοσ πολιτεύεσθαι κατὰ πάσασ, ὅπερ ἐστὶν ἀγαθοῦ πολίτου ἔργον, παρανομούσαισ δὲ οὐ συγχωρῶν, ἀλλ’ ἀπεχθανόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 28

(아리스토텔레스, 아테네인들의 정치체제, work Ath. Pol., chapter 28)

상위

목록

SEARCH

MENU NAVIGATION