헬라어 문장 검색 - ΑριστόΑτηενιά1́15́

(아리스토텔레스, 아테네인들의 정치체제, work Ath. Pol., chapter 14)

δημοτικώτατοσ δ’ εἶναι δοκῶν ὁ Πεισίστρατοσ καὶ σφόδρ’ εὐδοκιμηκὼσ ἐν τῷ πρὸσ Μεγαρέασ πολέμῳ, κατατραυματίσασ ἑαυτὸν συνέπεισε τὸν δῆμον, ὡσ ὑπὸ τῶν ἀντιστασιωτῶν ταῦτα πεπονθώσ, φυλακὴν ἑαυτῷ δοῦναι τοῦ σώματοσ, Ἀριστίωνοσ γράψαντοσ τὴν γνώμην. λαβὼν δὲ τοὺσ κορυνηφόρουσ καλουμένουσ, ἐπαναστὰσ μετὰ τούτων τῷ δήμῳ, κατέσχε τὴν ἀκρόπολιν ἔτει δευτέρῳ καὶ τριακοστῷ μετὰ τὴν τῶν νόμων θέσιν, ἐπὶ Κωμέου ἄρχοντοσ. λέγεται δὲ Σόλωνα Πεισιστράτου τὴν φυλακὴν αἰτοῦντοσ ἀντιλέξαι καὶ εἰπεῖν ὅτι τῶν μὲν εἰή σοφώτεροσ, τῶν δ’ ἀνδρειότεροσ·

ὅσοι μὲν γὰρ ἀγνοοῦσι Πεισίστρατον ἐπιτιθέμενον τυραννίδι, σοφώτεροσ εἶναι τούτων, ὅσοι δ’ εἰδότεσ κατασιωπῶσιν, ἀνδρειότεροσ. ἐπεὶ δὲ λέγων οὐκ ἔπειθεν, ἐξαράμενοσ τὰ ὅπλα πρὸ τῶν θυρῶν, αὐτὸσ μὲν ἔφη βεβοηθηκέναι τῇ πατρίδι, καθ’ ὅσον ἦν δυνατόσ ἤδη γὰρ σφόδρα πρεσβύτησ ἦν, ἀξιοῦν δὲ καὶ τοὺσ ἄλλουσ ταὐτὸ τοῦτο ποιεῖν. Σόλων μὲν οὖν οὐδὲν ἤνυσεν τότε παρακαλῶν.

Πεισίστρατοσ δὲ λαβὼν τὴν ἀρχὴν διῴκει τὰ κοινά, πολιτικῶσ μᾶλλον ἢ τυραννικῶσ. οὔπω δὲ τῆσ ἀρχῆσ ἐρριζωμένησ, ὁμοφρονήσαντεσ οἱ περὶ τὸν Μεγακλέα καὶ τὸν Λυκοῦργον, ἐξέβαλον αὐτὸν ἕκτῳ ἔτει μετὰ τὴν πρώτην κατάστασιν, ἐφ’ Ἡγησίου ἄρχοντοσ. ἔτει δὲ δωδεκάτῳ μετὰ ταῦτα περιελαυνόμενοσ ὁ Μεγακλῆσ τῇ στάσει, πάλιν ἐπικηρυκευσάμενοσ πρὸσ τὸν Πεισίστρατον, ἐφ’ ᾧ τε τὴν θυγατέρα αὐτοῦ λήψεται, κατήγαγεν αὐτὸν ἀρχαίωσ καὶ λίαν ἁπλῶσ.

προδιασπείρασ γὰρ λόγον, ὡσ τῆσ Ἀθηνᾶσ καταγούσησ Πεισίστρατον, καὶ γυναῖκα μεγάλην καὶ καλὴν ἐξευρών, ὡσ μὲν Ἡρόδοτόσ φησιν ἐκ τοῦ δήμου τῶν Παιανιέων, ὡσ δ’ ἔνιοι λέγουσιν ἐκ τοῦ Κολλυτοῦ στεφανόπωλιν Θρᾷτταν, ᾗ ὄνομα Φύη, τὴν θεὸν ἀπομιμησάμενοσ τῷ κόσμῳ, συνεισήγαγεν μετ’ αὐτοῦ· καὶ ὁ μὲν Πεισίστρατοσ ἐφ’ ἁρ́ματοσ εἰσήλαυνε, παραιβατούσησ τῆσ γυναικόσ, οἱ δ’ ἐν τῷ ἄστει προσκυνοῦντεσ ἐδέχοντο θαυμάζοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 14

(아리스토텔레스, 아테네인들의 정치체제, work Ath. Pol., chapter 14)

상위

목록

SEARCH

MENU NAVIGATION