Plutarch, chapter 21 4:

ἀλλὰ τοῦτο μὲν κοινόν ἐστι· δύναται γὰρ ἀπὸ τῆσ λυκαίνησ γεγονέναι τοὔνομα. καὶ γὰρ ἀρχομένουσ τῆσ περιδρομῆσ τοὺσ Λουπέρκουσ ὁρῶμεν ἐντεῦθεν, ὅπου τὸν Ῥωμύλον ἐκτεθῆναι λέγουσι. τὰ δὲ δρώμενα τὴν αἰτίαν ποιεῖ δυστόπαστον· σφάττουσι γὰρ αἶγασ, εἶτα μειρακίων δυοῖν ἀπὸ γένουσ προσαχθέντων αὐτοῖσ, οἱ μὲν ᾑμαγμένῃ μαχαίρᾳ τοῦ μετώπου θιγγάνουσιν, ἕτεροι δ’ ἀπομάττουσιν εὐθύσ, ἔριον βεβρεγμένον γάλακτι προσφέροντεσ·