Plutarch, chapter 18 5:

τοῦτον Ἑρσιλίασ ἄνδρα καὶ πάππον Ὁστιλίου τοῦ μετὰ Νομᾶν βασιλεύσαντοσ γενέσθαι λέγουσιν. αὖθισ δὲ πολλῶν ἀγώνων ἐν βραχεῖ συνισταμένων ὡσ εἰκόσ, ἑνὸσ μάλιστα τοῦ τελευταίου μνημονεύουσιν, ἐν ᾧ Ῥωμύλου τὴν κεφαλὴν πληγέντοσ λίθῳ καὶ πεσεῖν ὀλίγον δεήσαντοσ τοῦ τ’ ἀντέχειν ὑφεμένου, τοῖσ Σαβίνοισ ἐνέδωκαν οἱ Ῥωμαῖοι καὶ φυγῇ πρὸσ τὸ Παλάτιον ἐχώρουν, ἐξωθούμενοι τῶν ἐπιπέδων.