Plutarch, chapter 25 5:

ἐθριάμβευσε δὲ καὶ ἀπὸ τούτων εἰδοῖσ Ὀκτωβρίαισ, ἄλλουσ τε πολλοὺσ αἰχμαλώτουσ ἔχων καὶ τὸν ἡγεμόνα τῶν Βηίων, ἄνδρα πρεσβύτην, ἀφρόνωσ δόξαντα καὶ παρ’ ἡλικίαν ἀπείρωσ τοῖσ πράγμασι κεχρῆσθαι. διὸ καὶ νῦν ἔτι θύοντεσ ἐπινίκια, γέροντα μὲν ἄγουσι δι’ ἀγορᾶσ εἰσ Καπιτώλιον ἐν περιπορφύρῳ, βοῦλλαν αὐτῷ παιδικὴν άψαντεσ, κηρύττει δ’ ὁ κῆρυξ Σαρδιανοὺσ ὠνίουσ. Τυρρηνοὶ γὰρ ἄποικοι Σαρδιανῶν λέγονται, Τυρρηνικὴ δὲ πόλισ οἱ Οὐήϊοι.