Plutarch, chapter 24 1:

ἐκ τούτου λοιμὸσ ἐμπίπτει, θανάτουσ μὲν αἰφνιδίουσ ἀνθρώποισ ἄνευ νόσων ἐπιφέρων, ἁπτόμενοσ δὲ καὶ καρπῶν ἀφορίαισ καὶ θρεμμάτων ἀγονίαισ. ὕσθη δὲ καὶ σταγόσιν αἵματοσ ἡ πόλισ, ὥστε πολλὴν προσγενέσθαι τοῖσ ἀναγκαίοισ πάθεσι δεισιδαιμονίαν. ἐπεὶ δὲ καὶ τοῖσ τὸ Λαύρεντον οἰκοῦσιν ὅμοια συνέβαινεν, ἤδη παντάπασιν ἐδόκει τῶν ἐπὶ Τατίῳ συγκεχυμένων δικαίων ἐπί τε τοῖσ πρέσβεσι φονευθεῖσι μήνιμα δαιμόνιον ἀμφοτέρασ ἐλαύνειν τὰσ πόλεισ.