Plutarch, chapter 11 1:

ὁ δὲ Ῥωμύλοσ ἐν τῇ Ῥεμωρίᾳ θάψασ τὸν Ῥέμον ὁμοῦ καὶ τοὺσ τροφεῖσ, ᾤκιζε τὴν πόλιν, ἐκ Τυρρηνίασ μεταπεμψάμενοσ ἄνδρασ ἱεροῖσ τισι θεσμοῖσ καὶ γράμμασιν ὑφηγουμένουσ ἕκαστα καὶ διδάσκοντασ ὥσπερ ἐν τελετῇ. βόθροσ γὰρ ὠρύγη περὶ τὸ νῦν Κομίτιον κυκλοτερήσ, ἀπαρχαί τε πάντων, ὅσοισ νόμῳ μὲν ὡσ καλοῖσ ἐχρῶντο, φύσει δ’ ὡσ ἀναγκαίοισ, ἀπετέθησαν ἐνταῦθα. καὶ τέλοσ ἐξ ἧσ ἀφῖκτο γῆσ ἕκαστοσ ὀλίγην κομίζων μοῖραν ἔβαλλον εἰσ ταὐτὸ καὶ συνεμείγνυον.