Plutarch, chapter 8 2:

ὑποψίαν οὖν τοῖσ περὶ τὰσ πύλασ φρουροῖσ τοῦ βασιλέωσ παρέχων, καὶ ὑφορώμενοσ ὑπ’ αὐτῶν καὶ ταραττόμενοσ πρὸσ τὰσ ἀνακρίσεισ, οὐκ ἔλαθε τὴν σκάφην τῷ χλαμυδίῳ περικαλύπτων. ἦν δέ τισ ἐν αὐτοῖσ ἀπὸ τύχησ τῶν τὰ παιδάρια ῥῖψαι λαβόντων καὶ γεγονότων περὶ τὴν ἔκθεσιν. οὗτοσ ἰδὼν τὴν σκάφην τότε καὶ γνωρίσασ τῇ κατασκευῇ καὶ τοῖσ γράμμασιν, ἔτυχεν ὑπονοίᾳ τοῦ ὄντοσ καὶ οὐ παρημέλησεν, ἀλλὰ φράσασ τὸ πρᾶγμα τῷ βασιλεῖ κατέστησεν εἰσ ἔλεγχον.