Plutarch, chapter 7 1:

γενομένησ δέ τινοσ πρὸσ τοὺσ Νομήτοροσ βουκόλουσ τοῖσ Ἀμουλίου διαφορᾶσ καὶ βοσκημάτων ἐλάσεωσ, οὐκ ἀνασχόμενοι συγκόπτουσι μὲν αὐτοὺσ καὶ τρέπονται, ἀποτέμνονται δὲ τῆσ ἀγέλησ συχνήν. ἀγανακτοῦντοσ δὲ τοῦ Νομήτοροσ ὠλιγώρουν, συνῆγον δὲ καὶ προσεδέχοντο πολλοὺσ μὲν ἀπόρουσ, πολλοὺσ δὲ δούλουσ, θράσουσ ἀποστατικοῦ καὶ φρονήματοσ ἀρχὰσ ἐνδιδόντεσ.