Plutarch, chapter 4 3:

οἱ δὲ τοὔνομα τῆσ τροφοῦ δι’ ἀμφιβολίαν ἐπὶ τὸ μυθῶδεσ ἐκτροπὴν τῇ φήμῃ παρασχεῖν· λούπασ γὰρ ἐκάλουν οἱ Λατῖνοι τῶν τε θηρίων τὰσ λυκαίνασ καὶ τῶν γυναικῶν τὰσ ἑταιρούσασ· εἶναι δὲ τοιαύτην τὴν Φαιστύλου γυναῖκα τοῦ τὰ βρέφη θρέψαντοσ, Ἄκκαν Λαρεντίαν ὄνομα. ταύτῃ δὲ καὶ θύουσι Ῥωμαῖοι, καὶ χοὰσ ἐπιφέρει τοῦ Ἀπριλίου μηνὸσ αὐτῇ ὁ τοῦ Ἄρεωσ ἱερεύσ, καὶ Λαρενταλίαν καλοῦσι τὴν ἑορτήν.