Plutarch, chapter 2 6:

τὸν δὲ θεῖναι φέροντα τοῦ ποταμοῦ πλησίον, εἶτα λύκαιναν μὲν ἐπιφοιτᾶν μαστὸν ἐνδιδοῦσαν, ὄρνιθασ δὲ παντοδαποὺσ ψωμίσματα κομίζοντασ ἐντιθέναι τοῖσ βρέφεσιν, ἄχρι οὗ βουκόλον ἰδόντα καὶ θαυμάσαντα τολμῆσαι προσελθεῖν καὶ ἀνελέσθαι τὰ παιδία. τοιαύτησ δὲ τῆσ σωτηρίασ αὐτοῖσ γενομένησ, ἐκτραφέντασ ἐπιθέσθαι τῷ Ταρχετίῳ καὶ κρατῆσαι. ταῦτα μὲν οὖν Προμαθίων τισ, ἱστορίαν Ἰταλικὴν συντεταγμένοσ, εἴρηκε.