Plutarch, chapter 2 3:

οἱ δὲ Ῥώμην, θυγατέρα τῆσ Τρωάδοσ ἐκείνησ, Λατίνῳ τῷ Τηλεμάχου γαμηθεῖσαν τεκεῖν τὸν Ῥωμύλον· οἱ δ’ Αἰμυλίαν τὴν Αἰνείου καὶ Λαβινίασ, Ἄρει συγγενομένην. οἱ δὲ μυθώδη παντάπασι περὶ τῆσ γενέσεωσ διεξίασι. Ταρχετίῳ γάρ, Ἀλβανῶν βασιλεῖ παρανομωτάτῳ καὶ ὠμοτάτῳ, φάσμα δαιμόνιον οἴκοι γενέσθαι· φαλλὸν γὰρ ἐκ τῆσ ἑστίασ ἀνασχεῖν καὶ διαμένειν ἐπὶ πολλὰσ ἡμέρασ.