Plutarch, chapter 2 1:

ἄλλοι δὲ Ῥώμην, Ἰταλοῦ θυγατέρα καὶ Λευκαρίασ οἱ δὲ Τηλέφου τοῦ Ἡρακλέουσ, Αἰνείᾳ γαμηθεῖσαν οἱ δ’ Ἀσκανίῳ τῷ Αἰνείου, λέγουσι τοὔνομα θέσθαι τῇ πόλει· οἱ δὲ Ῥωμανόν, Ὀδυσσέωσ παῖδα καὶ Κίρκησ, οἰκίσαι τὴν πόλιν· οἱ δὲ Ῥῶμον ἐκ Τροίασ ὑπὸ Διομήδουσ ἀποσταλέντα τὸν Ἠμαθίωνοσ, οἱ δὲ Ῥῶμιν Λατίνων τύραννον, ἐκβαλόντα Τυρρηνοὺσ τοὺσ εἰσ Λυδίαν μὲν ἐκ Θετταλίασ, ἐκ δὲ Λυδίασ εἰσ Ἰταλίαν παραγενομένουσ. οὐ μὴν οὐδ’ οἱ Ῥωμύλον τῷ δικαιοτάτῳ τῶν λόγων ἀποφαίνοντεσ ἐπώνυμον τῆσ πόλεωσ ὁμολογοῦσι περὶ τοῦ γένουσ [αὐτοῦ].