호흡부호 보기
강세부호 보기
장단부호 보기
작은 Iota 보기
모든 부호 보기
πλὴν ὑπ’ οὐδενὸσ ἐκινήθη τῶν τοιούτων ὁ Περικλῆσ, ἀλλὰ πρᾴωσ καὶ σιωπῇ τὴν ἀδοξίαν καὶ τὴν ἀπέχθειαν ὑφιστάμενοσ, καὶ νεῶν ἑκατὸν ἐπὶ τὴν Πελοπόννησον στόλον ἐκπέμπῶν αὐτὸσ οὐ συνεξέπλευσεν, ἀλλ’ ἔμεινεν οἰκουρῶν καὶ διὰ χειρὸσ ἔχων τὴν πόλιν, ἑώσ ἀπηλλάγησαν οἱ Πελοποννήσιοι. θεραπεύων δὲ τοὺσ πολλοὺσ ὅμωσ ἀσχάλλοντασ ἐπὶ τῷ πολέμῳ, διανομαῖσ τε χρημάτων ἀνελάμβανε καὶ κληρουχίασ ἔγραφεν· Αἰγινήτασ γὰρ ἐξελάσασ ἅπαντασ διένειμε τὴν νῆσον Ἀθηναίων τοῖσ λαχοῦσιν. ἦν δέ τισ παρηγορία καὶ ἀφ’ ὧν ἔπασχον οἱ πολέμιοι. καὶ γὰρ οἱ περιπλέοντεσ τὴν Πελοπόννησον χώραν τε πολλὴν κώμασ τε καὶ πόλεισ μικρὰσ διεπόρθησαν, καὶ κατὰ γῆν αὐτὸσ ἐμβαλὼν εἰσ τὴν Μεγαρικὴν ἔφθειρε πᾶσαν.
ᾗ καὶ δῆλον ἦν ὅτι πολλὰ μὲν δρῶντεσ κατὰ γῆν κακὰ τοὺσ Ἀθηναίουσ, πολλὰ δὲ πάσχοντεσ ὑπ’ ἐκείνων ἐκ θαλάττησ, οὐκ ἂν εἰσ μῆκοσ πολέμου τοσοῦτον προὔβησαν, ἀλλὰ ταχέωσ ἀπεῖπον, ὥσπερ ἐξ ἀρχῆσ ὁ Περικλῆσ προηγόρευσεν, εἰ μή τι δαιμόνιον ὑπηναντιώθη τοῖσ ἀνθρωπίνοισ λογισμοῖσ. νῦν δὲ πρῶτον μὲν ἡ λοιμώδησ ἐνέπεσε φθορὰ καὶ κατενεμήθη τὴν ἀκμάζουσαν ἡλικίαν καὶ δύναμιν·
θέρουσ ὡρ́ᾳ πολλῶν ὁμοῦ χύδην ἐν οἰκήμασι μικροῖσ καὶ σκηνώμασι πνιγηροῖσ ἠναγκασμένων διαιτᾶσθαι δίαιταν οἰκουρὸν καὶ ἀργὴν ἀντὶ καθαρᾶσ καὶ ἀναπεπταμένησ τῆσ πρότερον, τούτου δ’ αἴτιοσ ὁ τῷ πολέμῳ τὸν ἀπὸ τῆσ χώρασ ὄχλον εἰσ τὰ τείχη καταχεάμενοσ καὶ πρὸσ οὐδὲν ἀνθρώποισ τοσούτοισ χρώμενοσ, ἀλλ’ ἐῶν ὥσπερ βοσκήματα καθειργμένουσ ἀναπίμπλασθαι φθορᾶσ ἀπ’ ἀλλήλων, καὶ μηδεμίαν μεταβολὴν μηδ’ ἀναψυχὴν ἐκπορίζων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기