호흡부호 보기
강세부호 보기
장단부호 보기
작은 Iota 보기
모든 부호 보기
περὶ δὲ τοῦτον τὸν χρόνον Ἀσπασία δίκην ἔφευγεν ἀσεβείασ, Ἑρμίππου τοῦ κωμῳδοποιοῦ διώκοντοσ καὶ προσκατηγοροῦντοσ ὡσ Περικλεῖ γυναῖκασ ἐλευθέρασ εἰσ τὸ αὐτὸ φοιτώσασ ὑποδέχοιτο. καὶ ψήφισμα Διοπείθησ ἔγραψεν εἰσαγγέλλεσθαι τοὺσ τὰ θεῖα μὴ νομίζοντασ ἢ λόγουσ περὶ τῶν μεταρσίων διδάσκοντασ, ἀπερειδόμενοσ εἰσ Περικλέα δι’ Ἀναξαγόρου τὴν ὑπόνοιαν. δεχομένου δὲ τοῦ δήμου καὶ προσιεμένου τὰσ διαβολάσ, οὕτωσ ἤδη ψήφισμα κυροῦται, Δρακοντίδου γράψαντοσ, ὅπωσ οἱ λόγοι τῶν χρημάτων ὑπὸ Περικλέουσ εἰσ τοὺσ Πρυτάνεισ ἀποτεθεῖεν, οἱ δὲ δικασταὶ τὴν ψῆφον ἀπὸ τοῦ βωμοῦ φέροντεσ ἐν τῇ πόλει κρίνοιεν.
Ἅγνων δὲ· τοῦτο μὲν ἀφεῖλε τοῦ ψηφίσματοσ, κρίνεσθαι δὲ τὴν δίκην ἔγραψεν ἐν δικασταῖσ χιλίοισ καὶ πεντακοσίοισ, εἴτε κλοπῆσ καὶ δώρων εἴτ’ ἀδικίου βούλοιτό τισ ὀνομάζειν τὴν δίωξιν. ἀσπασίαν μὲν οὖν ἐξῃτήσατο, πολλὰ πάνυ παρὰ τὴν δίκην, ὡσ Αἰσχίνησ φησίν, ἀφεὶσ ὑπὲρ αὐτῆσ δάκρυα καὶ δεηθεὶσ τῶν δικαστῶν·
Ἀναξαγόραν δὲ φοβηθεὶσ ἐξέπεμψεν ἐκ τῆσ πόλεωσ. ὡσ δὲ διὰ Φειδίου προσέπταισε τῷ δήμῳ, φοβηθεὶσ τὸ δικαστήριον μέλλοντα τὸν πόλεμον καὶ ὑποτυφόμενον ἐξέκαυσεν, ἐλπίζων διασκεδάσειν τὰ ἐγκλήματα καὶ ταπεινώσειν τὸν φθόνον ἐν πράγμασι μεγάλοισ καὶ κινδύνοισ τῆσ πόλεωσ ἐκείνῳ μόνῳ διὰ τὸ ἀξίωμα καὶ τὴν δύναμιν ἀναθείσησ ἑαυτήν. αἱ μὲν οὖν αἰτίαι δι’ ἃσ οὐκ εἰάσεν ἐνδοῦναι Λακεδαιμονίοισ τὸν δῆμον, αὗται λέγονται, τὸ δ’ ἀληθὲσ ἄδηλον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기