헬라어 문장 검색 - Πλυταρ́Περιξλέ28́

(플루타르코스, Περικλῆς, chapter 28)

ἐνάτῳ δὲ μηνὶ τῶν Σαμίων παραστάντων ὁ Περικλῆσ τὰ τείχη καθεῖλε καὶ τὰσ ναῦσ παρέλαβε καὶ χρήμασι πολλοῖσ ἐζημίωσεν, ὧν τὰ μὲν εὐθὺσ εἰσήνεγκαν οἱ Σάμιοι, τὰ δ’ ἐν χρόνῳ ῥητῷ ταξάμενοι κατοίσειν ὁμήρουσ ἔδωκαν. Δοῦρισ δ’ ὁ Σάμιοσ τούτοισ ἐπιτραγῳδεῖ πολλὴν ὠμότητα τῶν Ἀθηναίων καὶ τοῦ Περικλέουσ κατηγορῶν, ἣν οὔτε Θουκυδίδησ ἱστόρηκεν οὔτ’ Ἔφοροσ οὔτ’ Ἀριστοτέλησ· ἀλλ’ οὐδ’ ἀληθεύειν ἐοίκεν, ὡσ ἄρα τοὺσ τριηράρχουσ καὶ τοὺσ ἐπιβάτασ τῶν Σαμίων εἰσ τὴν Μιλησίων ἀγορὰν καταγαγὼν καὶ σανίσι προσδήσασ ἐφ’ ἡμέρασ δέκα κακῶσ ἤδη διακειμένουσ προσέταξεν ἀνελεῖν, ξύλοισ τὰσ κεφαλὰσ συγκόψαντασ, εἶτα προβαλεῖν ἀκήδευτα τὰ σώματα.

Δοῦρισ μὲν οὖν οὐδ’ ὅπου μηδὲν αὐτῷ πρόσεστιν ἴδιον πάθοσ εἰωθὼσ κρατεῖν τὴν διήγησιν ἐπὶ τῆσ ἀληθείασ, μᾶλλον ἐοίκεν ἐνταῦθα δεινῶσαι τὰσ τῆσ πατρίδοσ συμφορὰσ ἐπὶ διαβολῇ τῶν Ἀθηναίων.

ὁ δὲ Περικλῆσ καταστρεψάμενοσ τὴν Σάμον ὡσ ἐπανῆλθεν εἰσ τὰσ Ἀθήνασ, ταφάσ τε τῶν ἀποθανόντων κατὰ τὸν πόλεμον ἐνδόξουσ ἐποίησε καὶ τὸν λόγον εἰπών, ὥσπερ ἔθοσ ἐστίν, ἐπὶ τῶν σημάτων ἐθαυμαστώθη. καταβαίνοντα δ’ αὐτὸν ἀπὸ τοῦ βήματοσ αἱ μὲν ἄλλαι γυναῖκεσ ἐδεξιοῦντο καὶ στεφάνοισ ἀνέδουν καὶ ταινίαισ ὥσπερ ἀθλητὴν νικηφόρον, ἡ δ’ Ἐλπινίκη προσελθοῦσα πλησίον·

"θαυμαστά, Περίκλεισ, καὶ ἄξια στεφάνων, ὃσ ἡμῖν πολλοὺσ καὶ ἀγαθοὺσ ἀπώλεσασ πολίτασ οὐ Φοίνιξι πολεμῶν οὐδὲ Μήδοισ, ὥσπερ οὑμὸσ ἀδελφὸσ Κίμων, ἀλλὰ σύμμαχον καὶ συγγενῆ πόλιν καταστρεφόμενοσ. ταῦτα τῆσ Ἐλπινίκησ λεγούσησ ὁ Περικλῆσ μειδιάσασ ἀτρέμα λέγεται τὸ τοῦ Ἀρχιλόχου πρὸσ αὐτὴν εἰπεῖν·

οὐκ ἂν μύροισι γραῦσ ἐοῦσ’ ἠλείφεο. θαυμαστὸν δέ τι καὶ μέγα φρονῆσαι καταπολεμήσαντα τοὺσ Σαμίουσ φησὶν αὐτὸν ὁ Ιὤν, ὡσ τοῦ μὲν Ἀγαμέμνονοσ ἔτεσι δέκα βάρβαρον πόλιν, αὐτοῦ δὲ μησὶν ἐννέα τοὺσ πρώτουσ καὶ δυνατωτάτουσ Ιὤνων ἑλόντοσ. καὶ οὐκ ἦν ἄδικοσ ἡ ἀξίωσισ, ἀλλ’ ὄντωσ πολλὴν ἀδηλότητα καὶ μέγαν ἔσχε κίνδυνον ὁ πόλεμοσ, εἴπερ, ὡσ Θουκυδίδησ φησί, παρ’ ἐλάχιστον ἦλθε Σαμίων ἡ πόλισ ἀφελέσθαι τῆσ θαλάττησ τὸ κράτοσ Ἀθηναίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 28

(플루타르코스, Περικλῆς, chapter 28)

상위

목록

SEARCH

MENU NAVIGATION