헬라어 문장 검색 - Πλυταρ́Περιξλέ19́

(플루타르코스, Περικλῆς, chapter 19)

τῶν δὲ στρατηγιῶν ἠγαπήθη μὲν ἡ περὶ Χερρόνησον αὐτοῦ μάλιστα, σωτήριοσ γενομένη τοῖσ αὐτόθι κατοικοῦσι τῶν Ἑλλήνων· οὐ γὰρ μόνον ἐποίκουσ Ἀθηναίων χιλίουσ κομίσασ ἔρρωσεν εὐανδρίᾳ τὰσ πόλεισ, ἀλλὰ καὶ τὸν αὐχένα διαζώσασ ἐρύμασι καὶ προβλήμασιν ἐκ θαλάττησ εἰσ θάλατταν ἀπετείχισε τὰσ καταδρομὰσ τῶν Θρᾳκῶν περικεχυμένων τῇ Χερρονήσῳ, καὶ πόλεμον ἐνδελεχῆ καὶ βαρὺν ἐξέκλεισεν, ᾧ συνείχετο πάντα τὸν χρόνον ἡ χώρα βαρβαρικαῖσ ἀναμεμιγμένη γειτνιάσεσι καὶ γέμουσα λῃστηρίων ὁμόρων καὶ συνοίκων· ἐθαυμάσθη δὲ καὶ διεβοήθη πρὸσ τοὺσ ἐκτὸσ ἀνθρώπουσ περιπλεύσασ Πελοπόννησον, ἐκ Πηγῶν τῆσ Μεγαρικῆσ ἀναχθεὶσ ἑκατὸν τριήρεσιν.

οὐ γὰρ μόνον ἐπόρθησε τῆσ παραλίασ πολλήν, ὡσ Τολμίδησ πρότερον, ἀλλὰ καὶ πόρρω θαλάττησ προελθὼν τοῖσ ἀπὸ τῶν νεῶν ὁπλίταισ τοὺσ μὲν ἄλλουσ εἰσ τὰ τείχη συνέστειλε δείσαντασ αὐτοῦ τὴν ἔφοδον, ἐν δὲ Νεμέᾳ Σικυωνίουσ ὑποστάντασ καὶ συνάψαντασ μάχην κατὰ κράτοσ τρεψάμενοσ ἔστησε τρόπαιον.

ἐκ δ’ Ἀχαί̈ασ φίλησ οὔσησ στρατιώτασ ἀναλαβὼν εἰσ τὰσ τριήρεισ ἐπὶ τὴν ἀντιπέρασ ἤπειρον ἐκομίσθη τῷ στόλῳ, καὶ παραπλεύσασ τὸν Ἀχελῷον Ἀκαρνανίαν κατέδραμε, καὶ κατέκλεισεν Οἰνιάδασ εἰσ τὸ τεῖχοσ, καὶ τεμὼν τὴν γῆν καὶ κακώσασ ἀπῆρεν ἐπ’ οἴκου, φοβερὸσ μὲν φανεὶσ τοῖσ πολεμίοισ, ἀσφαλὴσ δὲ καὶ δραστήριοσ τοῖσ πολίταισ.

οὐδὲν γὰρ οὐδ’ ἀπὸ τύχησ πρόσκρουσμα συνέβη περὶ τοὺσ στρατευομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 19

(플루타르코스, Περικλῆς, chapter 19)

상위

목록

SEARCH

MENU NAVIGATION