호흡부호 보기
강세부호 보기
장단부호 보기
작은 Iota 보기
모든 부호 보기
ἀρχομένων δὲ Λακεδαιμονίων ἄχθεσθαι τῇ αὐξήσει τῶν Ἀθηναίων, ἐπαίρων ὁ Περικλῆσ τὸν δῆμον ἔτι μᾶλλον μέγα φρονεῖν καὶ μεγάλων αὑτὸν ἀξιοῦν πραγμάτων, γράφει ψήφισμα, πάντασ Ἕλληνασ τοὺσ ὁπήποτε κατοικοῦντασ Εὐρώπησ ἢ τῆσ Ἀσίασ παρακαλεῖν, καὶ μικρὰν πόλιν καὶ μεγάλην, εἰσ σύλλογον πέμπειν Ἀθήναζε τοὺσ βουλευσομένουσ περὶ τῶν Ἑλληνικῶν ἱερῶν, ἃ κατέπρησαν οἱ βάρβαροι, καὶ τῶν θυσιῶν ἃσ ὀφείλουσιν ὑπὲρ τῆσ Ἑλλάδοσ εὐξάμενοι τοῖσ θεοῖσ ὅτε πρὸσ τοὺσ βαρβάρουσ ἐμάχοντο, καὶ τῆσ θαλάττησ, ὅπωσ πλέωσι πάντεσ ἀδεῶσ καὶ τὴν εἰρήνην ἄγωσιν. ἐπὶ ταῦτα δ’ ἄνδρεσ εἴκοσι τῶν ὑπὲρ πεντήκοντα ἔτη γεγονότων ἐπέμφθησαν, ὧν πέντε μὲν Ιὤνασ καὶ Δωριεὶσ τοὺσ ἐν Ἀσίᾳ καὶ νησιώτασ ἄχρι Λέσβου καὶ Ῥόδου παρεκάλουν, πέντε δὲ τοὺσ ἐν Ἑλλησπόντῳ καὶ Θρᾴκῃ μέχρι Βυζαντίου τόπουσ ἐπῄεσαν, καὶ πέντε ἐπὶ τούτοισ εἰσ Βοιωτίαν καὶ Φωκίδα καὶ Πελοπόννησον, ἐκ δὲ ταύτησ διὰ Λοκρῶν ἐπὶ τὴν πρόσοικον ἤπειρον ἑώσ Ἀκαρνανίασ καὶ Ἀμβρακίασ ἀπεστάλησαν·
οἱ δὲ λοιποὶ δι’ Εὐβοίασ ἐπ’ Οἰταίουσ καὶ τὸν Μαλιέα κόλπον καὶ Φθιώτασ Ἀχαιοὺσ καὶ Θεσσαλοὺσ ἐπορεύοντο, συμπείθοντεσ ἰέναι καὶ μετέχειν τῶν βουλευμάτων ἐπ’ εἰρήνῃ καὶ κοινοπραγίᾳ τῆσ Ἑλλάδοσ.
ἐπράχθη δὲ οὐδέν, οὐδὲ συνῆλθον αἱ πόλεισ, Λακεδαιμονίων ὑπεναντιωθέντων, ὡσ λέγεται, καὶ τὸ πρῶτον ἐν Πελοποννήσῳ τῆσ πείρασ ἐλεγχθείσησ. τοῦτο μὲν οὖν παρεθέμην ἐνδεικνύμενοσ αὐτοῦ τὸ φρόνημα καὶ τὴν μεγαλοφροσύνην.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기