헬라어 문장 검색 - Πλυταρ́Περιξλέ12́

(플루타르코스, Περικλῆς, chapter 12)

ὃ δὲ πλείστην μὲν ἡδονὴν ταῖσ Ἀθήναισ καὶ κόσμον ἤνεγκε, μεγίστην δὲ τοῖσ ἄλλοισ ἔκπληξιν ἀνθρώποισ, μόνον δὲ τῇ Ἑλλάδι μαρτυρεῖ μὴ ψεύδεσθαι τὴν λεγομένην δύναμιν αὐτῆσ ἐκείνην καὶ τὸν παλαιὸν ὄλβον, ἡ τῶν ἀναθημάτων κατασκευή, τοῦτο μάλιστα τῶν πολιτευμάτων τοῦ Περικλέουσ ἐβάσκαινον οἱ ἐχθροὶ καὶ διέβαλλον ἐν ταῖσ ἐκκλησίαισ, βοῶντεσ ὡσ ὁ μὲν δῆμοσ ἀδοξεῖ καὶ κακῶσ ἀκούει τὰ κοινὰ τῶν Ἑλλήνων χρήματα πρὸσ αὑτὸν ἐκ Δήλου μεταγαγών, ἣ δ’ ἔνεστιν αὐτῷ πρὸσ τοὺσ ἐγκαλοῦντασ εὐπρεπεστάτη τῶν προφάσεων, δείσαντα τοὺσ βαρβάρουσ ἐκεῖθεν ἀνελέσθαι καὶ φυλάττειν ἐν ὀχυρῷ τὰ κοινά, ταύτην ἀνῄρηκε Περικλῆσ· καὶ δοκεῖ δεινὴν ὕβριν ἡ Ἑλλὰσ ὑβρίζεσθαι καὶ τυραννεῖσθαι περιφανῶσ, ὁρῶσα τοῖσ εἰσφερομένοισ ὑπ’ αὐτῆσ ἀναγκαίωσ πρὸσ τὸν πόλεμον ἡμᾶσ τὴν πόλιν καταχρυσοῦντασ καὶ καλλωπίζοντασ ὥσπερ ἀλαζόνα γυναῖκα, περιαπτομένην λίθουσ πολυτελεῖσ καὶ ἀγάλματα καὶ ναοὺσ χιλιοταλάντουσ.

ἐδίδασκεν οὖν ὁ Περικλῆσ τὸν δῆμον ὅτι χρημάτων μὲν οὐκ ὀφείλουσι τοῖσ συμμάχοισ λόγον προπολεμοῦντεσ αὐτῶν καὶ τοὺσ βαρβάρουσ ἀνείργοντεσ, οὐχ ἵππον, οὐ ναῦν, οὐχ ὁπλίτην, ἀλλὰ χρήματα μόνον τελούντων, ἃ τῶν διδόντων οὐκ ἔστιν, ἀλλὰ τῶν λαμβανόντων, ἂν παρέχωσιν ἀνθ’ οὗ λαμβάνουσι·

δεῖ δὲ τῆσ πόλεωσ κατεσκευασμένησ ἱκανῶσ τοῖσ ἀναγκαίοισ πρὸσ τὸν πόλεμον, εἰσ ταῦτα τὴν εὐπορίαν τρέπειν αὐτῆσ ἀφ’ ὧν δόξα μὲν γενομένων ἀί̈διοσ, εὐπορία δὲ γινομένων ἑτοίμη παρέσται, παντοδαπῆσ ἐργασίασ φανείσησ καὶ ποικίλων χρειῶν, αἳ πᾶσαν μὲν τέχνην ἐγείρουσαι, πᾶσαν δὲ χεῖρα κινοῦσαι, σχεδὸν ὅλην ποιοῦσιν ἔμμισθον τὴν πόλιν, ἐξ αὑτῆσ ἅμα κοσμουμένην καὶ τρεφομένην.

τοῖσ μὲν γὰρ ἡλικίαν ἔχουσι καὶ ῥώμην αἱ στρατεῖαι τὰσ ἀπὸ τῶν κοινῶν εὐπορίασ παρεῖχον, τὸν δ’ ἀσύντακτον καὶ βάναυσον ὄχλον οὔτ’ ἄμοιρον εἶναι λημμάτων βουλόμενοσ οὔτε λαμβάνειν ἀργὸν καὶ σχολάζοντα, μεγάλασ κατασκευασμάτων ἐπιβολὰσ καὶ πολυτέχνουσ ὑποθέσεισ ἔργων διατριβὴν ἐχόντων ἐνέβαλε φέρων εἰσ τὸν δῆμον, ἵνα μηδὲν ἧττον τῶν πλεόντων καὶ φρουρούντων καὶ στρατευομένων τὸ οἰκουροῦν ἔχῃ πρόφασιν ἀπὸ τῶν δημοσίων ὠφελεῖσθαι καὶ μεταλαμβάνειν.

οἱ δὲ κατὰ γῆν ἁμαξοπηγοὶ καὶ ζευγοτρόφοι καὶ ἡνίοχοι καὶ καλωστρόφοι καὶ λινουργοὶ καὶ σκυτοτόμοι καὶ ὁδοποιοὶ καὶ μεταλλεῖσ, ἑκάστη δὲ τέχνη, καθάπερ στρατηγὸσ ἴδιον στράτευμα, τὸν θητικὸν ὄχλον καὶ ἰδιώτην συντεταγμένον εἶχεν, ὄργανον καὶ σῶμα τῆσ ὑπηρεσίασ γινόμενον, εἰσ πᾶσαν, ὡσ ἔποσ εἰπεῖν, ἡλικίαν καὶ φύσιν αἱ χρεῖαι διένεμον καὶ διέσπειρον τὴν εὐπορίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 12

(플루타르코스, Περικλῆς, chapter 12)

상위

목록

SEARCH

MENU NAVIGATION