헬라어 문장 검색 - Πλυταρ́Περιξλέ10́

(플루타르코스, Περικλῆς, chapter 10)

ὁ μὲν οὖν ἐξοστρακισμὸσ ὡρισμένην εἶχε νόμῳ δεκαετίαν τοῖσ φεύγουσιν· ἐν δὲ τῷ διὰ μέσου Λακεδαιμονίων στρατῷ μεγάλῳ ἐμβαλόντων εἰσ τὴν Ταναγρικὴν καὶ τῶν Ἀθηναίων εὐθὺσ ὁρμησάντων ἐπ’ αὐτούσ, ὁ μὲν Κίμων ἐλθὼν ἐκ τῆσ φυγῆσ ἔθετο μετὰ τῶν φυλετῶν εἰσ λόχον τὰ ὅπλα καὶ δι’ ἔργων ἀπολύεσθαι τὸν Λακωνισμὸν ἐβούλετο, συγκινδυνεύσασ τοῖσ πολίταισ, οἱ δὲ φίλοι τοῦ Περικλέουσ συστάντεσ ἀπήλασαν αὐτὸν ὡσ φυγάδα. διὸ καὶ δοκεῖ Περικγῆσ ἐρρωμενέστατα τὴν μάχην ἐκείνην ἀγωνίσασθαι καὶ γενέσθαι πάντων ἐπιφανέστατοσ ἀφειδήσασ τοῦ σώματοσ.

ἔπεσον δὲ καὶ τοῦ Κίμωνοσ οἱ φίλοι πάντεσ ὁμαλῶσ, οὓσ Περικλῆσ συνεπῃτιᾶτο τοῦ Λακωνισμοῦ· καὶ μετάνοια δεινὴ τοὺσ Ἀθηναίουσ καὶ πόθοσ ἔσχε τοῦ Κίμωνοσ, ἡττημένουσ μὲν ἐπὶ τῶν ὁρ́ων τῆσ Ἀττικῆσ, προσδοκῶντασ δὲ βαρὺν εἰσ ἔτουσ ὡρ́αν πόλεμον. αἰσθόμενοσ οὖν ὁ Περικλῆσ οὐκ ὤκνησε χαρίσασθαι τοῖσ πολλοῖσ, ἀλλὰ τὸ ψήφισμα γράψασ αὐτὸσ ἐκάλει τὸν ἄνδρα, κἀκεῖνοσ κατελθὼν εἰρήνην ἐποίησε ταῖσ πόλεσιν.

οἰκείωσ γὰρ εἶχον οἱ Λακεδαιμόνιοι πρὸσ αὐτὸν ὥσπερ ἀπήχθοντο τῷ Περικλεῖ καὶ τοῖσ ἄλλοισ δημαγωγοῖσ. ἔνιοι δέ φασιν οὐ πρότερον γραφῆναι τῷ Κίμωνι τὴν κάθοδον ὑπὸ τοῦ Περικλέουσ ἢ συνθήκασ αὐτοῖσ ἀπορρήτουσ γενέσθαι δι’ Ἐλπινίκησ, τῆσ Κίμωνοσ ἀδελφῆσ, ὥστε Κίμωνα μὲν ἐκπλεῦσαι λαβόντα ναῦσ διακοσίασ καὶ τῶν ἔξω στρατηγεῖν, καταστρεφόμενον τὴν βασιλέωσ χώραν, Περικλεῖ δὲ τὴν ἐν ἄστει δύναμιν ὑπάρχειν.

ἐδόκει δὲ καὶ πρότερον ἡ Ἐλπινίκη τῷ Κίμωνι τὸν Περικλέα πρᾳότερον παρασχεῖν, ὅτε τὴν θανατικὴν δίκην ἔφευγεν.

ἦν μὲν γὰρ εἷσ τῶν κατηγόρων ὁ Περικλῆσ ὑπὸ τοῦ δήμου προβεβλημένοσ, ἐλθούσησ δὲ πρὸσ αὐτὸν τῆσ Ἐλπινίκησ καὶ δεομένησ μειδιάσασ εἶπεν· "ὦ Ἐλπινίκη, γραῦσ εἶ, γραῦσ εἶ, ὡσ πράγματα τηλικαῦτα πράσσειν. οὐ μὴν ἀλλὰ καὶ πρὸσ τὸν λόγον ἅπαξ ἀνέστη, τὴν προβολὴν ἀφοσιούμενοσ, καὶ τῶν κατηγόρων ἐλάχιστα τὸν Κίμωνα λυπήσασ ἀπεχώρησε. πῶσ ἂν οὖν τισ Ἰδομενεῖ πιστεύσειε κατηγοροῦντι τοῦ Περικλέουσ ὡσ τὸν δημαγωγὸν Ἐφιάλτην φίλον γενόμενον καὶ κοινωνὸν ὄντα τῆσ ἐν τῇ πολιτείᾳ προαιρέσεωσ δολοφονήσαντοσ διὰ ζηλοτυπίαν καὶ φθόνον τῆσ δόξησ;

ταῦτα γὰρ οὐκ οἶδ’ ὅθεν συναγαγὼν ὥσπερ χολὴν τἀνδρὶ προσβέβληκε, πάντῃ μὲν ἴσωσ οὐκ ἀνεπιλήπτῳ, φρόνημα δ’ εὐγενὲσ ἔχοντι καὶ ψυχὴν φιλότιμον, οἷσ οὐδὲν ἐμφύεται πάθοσ ὠμὸν οὕτω καὶ θηριῶδεσ. Ἐφιάλτην μὲν οὖν φοβερὸν ὄντα τοῖσ ὀλιγαρχικοῖσ καὶ περὶ τὰσ εὐθύνασ καὶ διώξεισ τῶν τὸν δῆμον ἀδικούντων ἀπαραίτητον ἐπιβουλεύσαντεσ οἱ ἐχθροὶ δι’ Ἀριστοδίκου τοῦ Ταναγρικοῦ κρυφαίωσ ἀνεῖλον, ὡσ Ἀριστοτέλησ εἴρηκεν.

ἐτελεύτησε δὲ Κίμων ἐν Κύπρῳ στρατηγῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 10

(플루타르코스, Περικλῆς, chapter 10)

상위

목록

SEARCH

MENU NAVIGATION