헬라어 문장 검색 - Πλυταρ́Λυξυλλύ43́

(플루타르코스, Lucullus, chapter 43)

ταῦτα δὴ καὶ μᾶλλον ἀπῆγε τῆσ πολιτείασ τὸν Λούκουλλον. ἐπεὶ δὲ Κικέρων ἐξέπεσε τῆσ πόλεωσ καὶ Κάτων εἰσ Κύπρον ἀπεστάλη, παντάπασιν ἐξελύθη. καὶ πρό γε τῆσ τελευτῆσ λέγεται νοσῆσαι τὴν διάνοιαν αὐτῷ κατὰ μικρὸν ἀπομαραινομένην. Νέπωσ δὲ Κορνήλιοσ οὐχ ὑπό γήρωσ φησὶν οὐδὲ νόσου παραλλάξαι τὸν Λούκουλλον, ἀλλὰ φαρμάκοισ ὑπό τινοσ τῶν ἀπελευθέρων Καλλισθένουσ διαφθαρέντα· τὰ δὲ φάρμακα δοθῆναι μὲν, ὡσ ἀγαπῷτο μᾶλλον ὁ Καλλισθένησ ὑπ’ αὐτοῦ, τοιαύτην ἔχειν δοκοῦντα τὴν δύναμιν, ἐκστῆσαι δὲ καὶ κατακλύσαι τὸν λογισμόν, ὥστ’ ἔτι ζῶντοσ αὐτοῦ τὴν οὐσίαν διοικεῖν τὸν ἀδελφόν·

οὐ μὴν ἀλλ’ ὡσ ἀπέθανε, καθάπερ ἂν ἐν ἀκμῇ τῆσ στρατηγίασ καὶ τῆσ πολιτείασ αὐτοῦ τελευτήσαντοσ, ὁ δῆμοσ ἠχθέσθη καὶ συνέδραμε, καὶ τὸ σῶμα κομισθὲν εἰσ ἀγορὰν ὑπὸ τῶν εὐγενεστάτων νεανίσκων ἐβιάζετο θάπτειν ἐν τῷ πεδίῳ τοῦ Ἄρεωσ, ὅπου καὶ Σύλλαν ἔθαψεν. οὐδενὸσ δὲ τοῦτο προσδοκήσαντοσ, οὐδὲ ῥᾳδίασ οὔσησ τῆσ παρασκευῆσ, ὁ ἀδελφὸσ αὐτοῦ δεόμενοσ καὶ παραιτούμενοσ ἔπεισεν ἐπιτρέψαι τὴν παρεσκευασμένην ἐν τῷ περὶ Τοῦσκλον ἀγρῷ τοῦ νεκροῦ κηδείαν γενέσθαι, πολὺν δ’ οὐδ’ αὐτὸσ προσεβίω χρόνον, ἀλλ’ ὡσ ἡλικίᾳ καὶ δόξῃ μικρὸν ἀπελείφθη, καὶ τῷ χρόνῳ τῆσ τελευτῆσ, φιλαδελφότατοσ γενόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Lucullus, chapter 43

(플루타르코스, Lucullus, chapter 43)

상위

목록

SEARCH

MENU NAVIGATION