헬라어 문장 검색 - Πλυταρ́Λυξυλλύ31́

(플루타르코스, Lucullus, chapter 31)

τοιούτων δὲ καὶ πονηροτέρων ἔτι λόγων αἰσθόμενοσ ὁ Λούκουλλοσ τὴν ἐπὶ Πάρθουσ στρατείαν ἀφῆκεν, αὖθισ δ’ ἐπὶ τὸν Τιγράνην ἐβάδιζε θέρουσ ἀκμάζοντοσ, καὶ τὸν Ταῦρον ὑπερβαλὼν ἠθύμησε χλωρῶν τῶν πεδίων ἐκφανέντων τοσοῦτον αἱ ὡρ͂αι διὰ τὴν ψυχρότητα τοῦ ἀέροσ ὑστερίζουσιν. οὐ μὴν ἀλλὰ καταβὰσ καὶ δὶσ ἢ τρὶσ ἀνατολμήσαντασ ἐπ’ αὐτὸν τοὺσ Ἀρμενίουσ τρεψάμενοσ ἀδεῶσ ἐπόρθει τὰσ κώμασ, καὶ τὸν παρεσκευασμένον τῷ Τιγράνῃ σῖτον ἐξαιρῶν ἣν αὐτὸσ ἐφοβεῖτο τοῖσ πολεμίοισ περιέστησεν ἀπορίαν.

ἐπεὶ δὲ προκαλούμενοσ εἰσ μάχην αὐτούσ περιταφρεύων τὸν χάρακα καὶ πορθῶν ἐν ὄψει τὴν χώραν οὐκ ἐκίνει πεπληγότασ πολλάκισ, ἀναστὰσ ἐβάδιζεν ἐπ’ Ἀρτάξατα τὸ Τιγράνου βασίλειον, ὅπου καὶ παῖδεσ αὐτῷ νήπιοι καὶ γαμεταὶ γυναῖκεσ ἦσαν, οὐκ ἂν οἰόμενοσ ἀμαχεὶ ταῦτα προήσεσθαι τὸν Τιγράνην. λέγεται δ’ Ἀννίβαν τὸν Καρχηδόνιον, Ἀντιόχου καταπολεμηθέντοσ ὑπὸ Ῥωμαίων, μεταβάντα πρὸσ Ἀρτάξαν τὸν Ἀρμένιον ἄλλων τε πολλῶν εἰσηγητὴν καὶ διδάσκαλον αὐτῷ γενέσθαι χρησίμων, καὶ τῆσ χώρασ καταμαθόντα τόπον εὐφυέστατον καὶ ἥδιστον ἀργοῦντα καὶ παρορώμενον σχῆμα πόλεωσ ἐν αὐτῷ προϋπογράψασθαι, καὶ τὸν Ἀρτάξαν ἐπαγαγόντα δεῖξαι καὶ παρορμῆσαι πρὸσ τὸν οἰκισμόν.

ἡσθέντοσ δὲ τοῦ βασιλέωσ καὶ δεηθέντοσ, ὅπωσ αὐτὸσ ἐπιστατήσῃ τοῦ ἔργου, μέγα τι καὶ πάγκαλον χρῆμα πόλεωσ ἀναστῆναι, καὶ γενομένην ἐπώνυμον τοῦ βασιλέωσ μητρόπολιν ἀποδειχθῆναι τῆσ Ἀρμενίασ.

ἐπὶ ταύτην τοῦ Λουκούλλου βαδίζοντοσ οὐκ ἠνέσχετο Τιγράνησ, ἀλλὰ τὴν δύναμιν ἀναλαβὼν ἡμέρᾳ τετάρτῃ παρεστρατοπέδευσε τοῖσ Ῥωμαίοισ, ἐν μέσῳ λαβὼν τὸν Ἀρσανίαν ποταμόν, ὃν ἐξ ἀνάγκησ διαβατέον ἦν τοῖσ Ῥωμαίοισ τὴν ἐπ’ Ἀρταξάτων πορευομένοισ. θύσασ δὲ τοῖσ θεοῖσ Λούκουλλοσ, ὡσ ἐν χερσὶν οὔσησ τῆσ νίκησ, διεβίβαζε τὸν στρατὸν ἐν δώδεκα σπείραισ προτεταγμέναισ, ταῖσ δ’ ἄλλαισ ἐπιτεταγμέναισ πρὸσ τὰσ κυκλώσεισ τῶν πολεμίων.

πολλοὶ γὰρ ἦσαν ἱππεῖσ καὶ λογάδεσ ἀντιπαρατεταγμένοι, πρὸ δ’ αὐτῶν ἱπποτοξόται Μάρδοι καὶ λογχοφόροι Ἴβηρεσ, οἷσ μάλιστα τῶν ξένων ὁ Τιγράνησ ἐπίστευεν ὡσ μαχιμωτάτοισ. οὐ μὴν ἐπράχθη τι λαμπρὸν ἀπ’ αὐτῶν, μικρὰ δὲ τοῖσ ἱππεῦσι τῶν Ῥωμαίων διαπληκτισάμενοι τοὺσ πεζοὺσ ἐπιόντασ οὐχ ὑπέμειναν, ἀλλ’ ἑκατέρωσε τῆσ φυγῆσ σχισθέντεσ ἐπεσπάσαντο τοὺσ ἱππεῖσ πρὸσ τὴν δίωξιν.

ἅμα δὲ τῷ τούτουσ διασπαρῆναι τῶν περὶ τὸν Τιγράνην ἐξιππασαμένων ἰδὼν τὴν λαμπρότητα καὶ τὸ πλῆθοσ ὁ Λούκουλλοσ ἔδεισε. καὶ τοὺσ μὲν ἱππεῖσ ἀπὸ τῆσ διώξεωσ ἀνεκαλεῖτο, πρῶτοσ δ’ αὐτὸσ ἀντέστη τοῖσ Ἀτροπατηνοῖσ κατ’ αὐτὸν οὖσι μετὰ τῶν ἀρίστων, καὶ πρὶν εἰσ χεῖρασ ἐλθεῖν φοβήσασ ἐτρέψατο.

τριῶν δ’ ὁμοῦ παρατεταγμένων βασιλέων αἴσχιστα δοκεῖ φυγεῖν ὁ Ποντικὸσ Μιθριδάτησ, οὐδὲ τὴν κραυγὴν τῶν Ῥωμαίων ἀνασχόμενοσ. γενομένησ δὲ τῆσ διώξεωσ μακρᾶσ καὶ δι’ ὅλησ νυκτόσ, οὐ μόνον κτείνοντεσ αὐτούσ, ἀλλὰ καὶ ζωγροῦντεσ καὶ χρήματα καὶ λείαν ἄγοντεσ καὶ φέροντεσ ἀπεῖπον οἱ Ῥωμαῖοι.

φησὶ δὲ ὁ Λίουϊοσ ἐν μὲν τῇ προτέρᾳ μάχῃ πλείονασ, ἐν δὲ ταύτῃ γνωριμωτέρουσ πεσεῖν καὶ ληφθῆναι τῶν πολεμίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 31

(플루타르코스, Lucullus, chapter 31)

상위

목록

SEARCH

MENU NAVIGATION