Plutarch, Lucullus, chapter 13

(플루타르코스, Lucullus, chapter 13)

γενόμενοσ δ’ ἀπὸ τούτων ἠπείγετο πρὸσ τὴν αὐτοῦ Μιθριδάτου δίωξιν. ἤλπιζε γὰρ ἔτι περὶ Βιθυνίαν εὑρήσειν αὐτόν ὑπὸ Βοκωνίου φρουρούμενον, ὃν αὐτὸσ ἐνστησόμενον τῇ φυγῇ μετὰ νεῶν ἀπεστάλκει πρὸσ Νικομήδειαν. ἀλλὰ Βοκώνιοσ μὲν.

ἐν Σαμοθρᾴκῃ μυούμενοσ καὶ πανηγυρίζων καθυστέρησε· Μιθριδάτην δὲ ἀναχθέντα μετὰ τοῦ στόλου, σπεύδοντα πρὶν ἐπιστρέφειν Λούκουλλον εἰσ τὸν Πόντον εἰσπλεῦσαι, καταλαμβάνει χειμὼν πολύσ, ὑφ’ οὗ τὰ μὲν ἀφηρπάγη, τὰ δ’ ἐβυθίσθη τῶν σκαφῶν, πᾶσα δ’ ἡ παραλία τῶν ναυαγίων ἐκφερομένων ὑπὸ τοῦ κλύδωνοσ ἐπὶ πολλὰσ ἡμέρασ ἦν περίπλεωσ. αὐτὸσ δέ, τῆσ ὁλκάδοσ, ἐφ’ ἧσ ἔπλει, μήτε πρὸσ τὴν γῆν εὐπαρακομίστου διὰ μέγεθοσ ἐν σάλῳ μεγάλῳ καὶ κύματι τυφλῷ παρισταμένησ τοῖσ κυβερνήταισ, πρόσ τε τὴν θάλασσαν ἤδη βαρείασ καὶ ὑπεράντλου γενομένησ, μετεμβὰσ εἰσ λῃστρικὸν μυοπάρωνα καὶ τὸ σῶμα πειραταῖσ ἐγχειρίσασ ἀνελπίστωσ καὶ παραβόλωσ εἰσ τὴν Ποντικὴν Ἡράκλειαν ἐξεσώθη.

Λουκούλλῳ δ’ ἀνεμέσητοσ ἡ πρὸσ τὴν σύγκλητον ἀπέβη φιλοτιμία, ψηφιζομένησ γὰρ αὐτῆσ πρὸσ τὸν πόλεμον ἀπὸ τρισχιλίων ταλάντων ἐξαρτύεσθαι ναυτικόν, ἐκώλυσε πέμψασ γράμματα καὶ μεγαληγορήσασ, ὡσ ἄνευ δαπάνησ καὶ τοσαύτησ παρασκευῆσ ταῖσ τῶν συμμάχων ναυσὶ Μιθριδάτην ἐκβαλεῖ τῆσ θαλάττησ.

καὶ τοῦτο ὑπῆρξεν αὐτῷ τοῦ θεοῦ συναγωνισαμένου. λέγεται γὰρ Ἀρτέμιδοσ χόλῳ Πριαπίνησ ὁ χειμὼν ἐμπεσεῖν τοῖσ Ποντικοῖσ συλήσασιν αὐτῆσ τὸ ἱερὸν καὶ τὸ ξόανον ἀνασπάσασι.

일치하는 문장이 없습니다.

SEARCH

MENU NAVIGATION