헬라어 문장 검색 - Πλυταρ́Λυξυλλύ37́

(플루타르코스, Lucullus, chapter 37)

ὁ δὲ Λούκουλλοσ ἀναβὰσ εἰσ Ῥώμην πρῶτον μὲν κατέλαβε τὸν ἀδελφὸν Μᾶρκον ὑπὸ Γαϊού Μεμμίου κατηγορούμενον ἐφ’ οἷσ ἔπραξε ταμιεύων Σύλλα προστάξαντοσ. ἐκείνου δ’ ἀποφυγόντοσ ἐπὶ τοῦτον αὐτὸν ὁ Μέμμιοσ μεταβαλόμενοσ παρώξυνε τὸν δῆμον, καὶ ὡσ πολλὰ νενοσφισμένῳ καὶ μηκύναντι τὸν πόλεμον ἔπεισεν αὐτῷ μὴ δοῦναι θρίαμβον. ἐλθόντοσ δ’ εἰσ ἀγῶνα τοῦ Λουκούλλου μέγαν οἱ πρῶτοι καὶ δυνατώτατοι καταμίξαντεσ ἑαυτοὺσ ταῖσ φυλαῖσ πολλῇ δεήσει καὶ σπουδῇ μόλισ ἔπεισαν τὸν δῆμον ἐπιτρέψαι θριαμβεῦσαι, οὐχ, ὥσπερ ἔνιοι, μήκει τε πομπῆσ καὶ πλήθει τῶν κομιζομένων ἐκπληκτικὸν καὶ ὀχλώδη θρίαμβον, ἀλλὰ τοῖσ μὲν ὅπλοισ τῶν πολεμίων οὖσι παμπόλλοισ καὶ τοῖσ βασιλικοῖσ μηχανήμασι τὸν Φλαμίνειον ἱππόδρομον διεκόσμησε·

καὶ θέα τισ ἦν αὐτὴ καθ’ ἑαυτὴν οὐκ εὐκαταφρόνητοσ· ἐν δὲ τῇ πομπῇ τῶν τε καταφράκτων ἱππέων ὀλίγοι καὶ τῶν δρεπανηφόρων ἁρμάτων δέκα παρῆλθον, ἑξήκοντα δὲ φίλοι καὶ στρατηγοὶ τῶν βασιλικῶν, μακραὶ δὲ χαλκέμβολοι νῆεσ ἑκατὸν καὶ δέκα ἅμα παρεκομίσθησαν, αὐτοῦ τε Μιθριδάτου χρύσεοσ ἑξάπουσ κολοσσόσ, καὶ θυρεόσ τισ διάλιθοσ, καὶ φορήματα εἴκοσι μὲν ἀργυρῶν σκευῶν, χρυσῶν δ’ ἐκπωμάτων καὶ ὅπλων καὶ νομίσματοσ δύο καὶ τριάκοντα.

ταῦτα μὲν οὖν ἄνδρεσ παρεκόμιζον ἡμίονοι δ’ ὀκτὼ κλίνασ χρυσᾶσ ἔφερον, ἓξ δὲ καὶ πεντήκοντα κεχωνευμένον ἀργύριον, ἄλλοι δ’ ἑκατὸν ἑπτὰ νομίσματοσ ἀργυροῦ, μικρῷ τινι δεούσασ ἑβδομήκοντα καὶ διακοσίασ μυριάδασ, ἐν δὲ δέλτοισ ἀναγραφαὶ τῶν ἤδη δεδομένων χρημάτων ὑπ’ αὐτοῦ Πομπηϊῴ πρὸσ τὸν πειρατικὸν πόλεμον καὶ τοῖσ ἐπὶ τοῦ δημοσίου ταμείου, καὶ χωρὶσ ὅτι στρατιώτησ ἕκαστοσ ἐνακοσίασ καὶ πεντήκοντα δραχμὰσ ἔλαβεν.

ἐπὶ τούτοισ τήν τε πόλιν εἱστίασε λαμπρῶσ καὶ τὰσ περιοικίδασ κώμασ, ἃσ οὐΐκουσ καλοῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 37

(플루타르코스, Lucullus, chapter 37)

상위

목록

SEARCH

MENU NAVIGATION