Plutarch, Lucullus, chapter 30

(플루타르코스, Lucullus, chapter 30)

ἐνταῦθα καὶ παρὰ τοῦ Πάρθων βασιλέωσ ἧκε πρεσβεία παρ’ αὐτόν εἰσ φιλίαν προκαλουμένου καὶ συμμαχίαν. ἦν δ’ ἀσμένῳ ταῦτα τῷ Λουκούλλῳ· καὶ πάλιν ἀντέπεμψε παρ’ ἑαυτοῦ πρεσβείαν πρὸσ τὸν Πάρθον, οἳ κατεφώρασαν αὐτόν ἐπαμφοτερίζοντα τῇ γνώμῃ καὶ μισθὸν αἰτοῦντα κρύφα τοῦ συμμαχῆσαι τῷ Τιγράνῃ τὴν Μεσοποταμίαν. ὡσ οὖν ταῦθ’ ὁ Λούκουλλοσ ᾔσθετο, Τιγράνην μὲν ἔγνω καὶ Μιθριδάτην παρελθεῖν ὥσπερ ἀνταγωνιστὰσ ἀπειρηκότασ, ἀποπειρᾶσθαι δὲ τῆσ Πάρθων δυνάμεωσ καὶ στρατεύειν ἐπ’ αὐτούσ, καλὸν ἡγούμενοσ μιᾷ ῥύμῃ πολέμου τρεῖσ ἐφεξῆσ ὥσπερ ἀθλητὴσ βασιλεῖσ καταπαλαῖσαι καὶ διὰ τριῶν τῶν ὑπὸ τὸν ἥλιον μεγίστων ἡγεμονιῶν ἀήττητοσ καὶ νικῶν διεξελθεῖν.

ἔπεμψεν οὖν εἰσ Πόντον τοῖσ περὶ Σωρνάτιον ἡγεμόσιν ἐπιστείλασ ἄγειν τὴν ἐκεῖ στρατιὰν πρὸσ αὐτόν, ὡσ ἐκ τῆσ Γορδυηνῆσ ἀναβησόμενοσ.

οἱ δὲ καὶ πρότερον χαλεποῖσ χρώμενοι καὶ δυσπειθέσι τοῖσ στρατιώταισ τότε παντελῶσ ἀπεκάλυψαν αὐτῶν τὴν ἀκολασίαν, οὐδενὶ τρόπῳ πειθοῦσ οὐδ’ ἀνάγκησ εὑρόμενοι προσαγαγέσθαι μαρτυρομένουσ καὶ βοῶντασ, ὡσ οὐδ’ αὐτόθι μενοῦσιν, ἀλλ’ οἰχήσονται τὸν Πόντον ἔρημον ἀπολιπόντεσ. ταῦτα πρὸσ Λούκουλλον ἀπαγγελθέντα καὶ τοὺσ ἐκεῖ προσδιέφθειρε στρατιώτασ, ἤδη μὲν ὑπὸ πλούτου καὶ τρυφῆσ βαρεῖσ γεγονότασ πρὸσ τὴν στρατείαν καὶ σχολῆσ δεομένουσ, ὡσ δὲ τὴν ἐκείνων ἐπύθοντο παρρησίαν, ἄνδρασ αὐτοὺσ ἀπεκάλουν καὶ μιμητέον αὐτοὺσ ἔφασαν εἶναι·

πολλὰ γὰρ αὐτοῖσ ἄξια σωτηρίασ καὶ ἀναπαύσεωσ κατειργάσθαι.

일치하는 문장이 없습니다.

SEARCH

MENU NAVIGATION